陳敏兒
 |  |
| 陳敏兒 | |
|---|---|
 2013年，接受基督教協基會社會服務部訪問。 | |
| 女藝人 | |
| 羅馬拼音 | Chan Man-yee |
| 英文名 | Barbara Chan |
| 國籍 | 中華人民共和國（香港） |
| 出世 | 1959年10月17號（農曆己亥年九月十六號） 英屬香港 |
| 死 | 2026年6月12號（66歲）（農曆丙午年四月廿七號） 香港沙田威爾斯親王醫院 |
| 職業 | 演員、主持人 |
| 語言 | 粵語、英文、普通話 |
| 教育程度 | 中學六年級 |
| 宗教信仰 | 基督教 |
| 配偶 | 廖啟智（1987年結婚；2021年逝世） |
| 仔女 | 大仔：廖文哲 1994年6月14號 二仔：廖文信 1998年4月25號 細仔：廖文諾（2000-2006） |
| 活躍年代 | 1976年到2026年 |
| 經紀公司 | 麗的電視（1976年 - 1978年） 無綫電視（1979年 - 1993年） |
| 網路電影資料庫（IMDb）資訊 | |
陳敏兒（英文：Barbara Chan Man-yee，1959年10月17號—2026年6月12號）係香港女藝人、節目主持。
生平
[編輯]陳敏兒喺中五畢業後升讀預科。佢喺中六因為遭到家人反對而選讀無綫電視嘅夜間藝員訓練班[1]；朝早返學，夜晚去對衡道上堂。而佢之所以報讀訓練班，源於佢當年咁啱喺尖沙咀完成夏令營生活，適逢無綫電視招收訓練班學員，就同朋友搭車去九龍塘報名。就讀訓練班初期仍然維持早晚返學嘅生活模式，後來由於兼顧唔到而放棄學業。佢喺1979年畢業於第八期無綫藝員訓練班。1980年代受到力捧，成為當紅花旦之一，佢喺劉德華嘅成名作《獵鷹》擔任第一女主角。因為佢形象正面，曾多次飾演教師、社工同律師等角色。除拍劇外，亦曾擔任《體育世界》主持，萬千星輝賀台慶司儀同《歡樂今宵》演出工作。1993年7月起，陳敏兒淡出演藝圈，而家間唔中喺基督教媒體中出現。
2024年，陳敏兒同自己搞生前告別儀式。2025年7月，曾經入院接受緊急手術，身體變瘦，同年10月自爆患咗慢性病。[2] 2026年6月12號上晝，陳敏兒喺沙田威爾斯親王醫院因病過身，終年66歲，佢兩個仔廖文哲、廖文信出訃聞證實陳敏兒死訊，並指陳敏兒安息禮以私人形式低調舉行，淨係俾親友參與。[3]
為咗表示悼念，無綫電視安排自2026年6月17號至7月14號起，逢禮拜一至五晚上11時55分至凌晨0時55分於翡翠台重播陳敏兒生前曾主演嘅1982年劇集《獵鷹》，於在重播首集中播放寫有「好好道別 陳敏兒（1959-2026）」的悼念字卡。
家庭
[編輯]佢老公係無綫電視藝員訓練班同屆畢業生、藝人廖啟智，佢哋喺1987年結婚，婚後生咗三個仔。廖啟智喺2021年3月28號因胃癌離世。
陳敏兒細仔廖文諾喺2003年三歲時證實患上血癌，2006年4月5號病逝[4]。大仔廖文哲同二仔廖文信而家分別投身音樂同演藝幕後行業，其中廖文信（John）係香港YouTube頻道小薯茄後期製作人員。[5]
參考
[編輯]- ↑ 〈電視風雲半世紀 陳敏兒(上)〉。香港電台。2015-02-08。喺2021-04-04搵到。
- ↑ 〈廖啟智遺孀陳敏兒離世終年65歲 去年曾接受大手術〉。《東網》。2026-06-12。喺2026-06-12搵到。
- ↑ 〈陳敏兒離世終年65歲 與廖啟智育有兩子 家屬忍痛發訃聞：已在天家安息〉。《星島頭條》。2026-06-12。喺2026-06-12搵到。
- ↑ 〈[明報周刊]剖白陪伴兒子抗癌感受 陳敏兒抑鬱症曾想死 廖啟智兼數職險崩潰〉。原著喺2016-09-23歸檔。喺2016-09-23搵到。
- ↑ 〈【智叔病逝】廖啟智兩子遺傳父母演藝細胞 陳敏兒悉心栽培助子發展才華〉。《香港經濟日報》。2021-03-30。喺2021-03-30搵到。
