陳爽 (商人)

  想搵第二個意思嘅話，請睇陳爽。

陳爽係香港上市公司中國光大控股（港交所：00165）嘅行政總裁、執行委員會、戰略委員會成員同埋管理委員會主席。陳先生亦係中國光大集團有限公司董事同埋公司法律部主任。佢亦做過香港金融發展局非官方委員同香港中資證券業協會副會長。

陳先生揸住華東政法學院法學碩士銜同埋香港大學專業進修學院嘅法律文憑，又有中華人民共和國律師資格同埋高級經濟師。陳先生以前喺交通銀行總行做過法律事務室處長，有超過16年嘅商業銀行同埋投資銀行經驗。

2022年7月，陳爽因爲推動香港創科同科技發展等，喺原定「七一」前夕公佈、林鄭月娥最後一份授勳名單中獲頒銅紫荊星章。同日下晝，中共中央紀律調查委員會公佈佢涉嫌嚴重違法，接受緊監察調查，最終佢喺授勳名單上被剔除。