陳詩聖

陳詩聖（英文：Tan See Seng，1936年5月9號—2013年12月25號），馬來西亞柔佛居鑾人，居鑾中華中學（鑾中）第十三任校長（1981年至1996年）。佢係一名活躍於居鑾華社同華文教育嘅人士，曾任鑾中副董事長、居鑾德教會紫鑾閣永遠名譽顧問、居鑾福建會館副會長、居鑾籃球總會會長等職位。

喺佢掌校嘅16年期間，鑾中嘅學生人數突破三千人，成為馬來西亞三大華文獨中之一。退休後，入咗鑾中董事部，於1997年至1999年間擔任副總務，2000年後一直擔任副董事長直至逝世。

2013年12月25號，陳詩聖因撞車導致頭部受重創當場不治，享年77歲。