陸地生態系統

陸地生態系統 (英文：Terrestrial ecosystems) 係喺地球嘅陸地能夠揾到嘅生態系統。呢啲可以包括喺凍原、北方森林、平原、熱帶森林、同沙漠等等嘅生物同佢哋之間嘅互動。

陸地生態系統一般同海洋生態系統相對，而佢哋最大嘅分別就係有同冇泥喺面頭。當然，就好似個海一樣可以喺個海床度揾到泥咁，陸地生態系統同樣亦都可以有唔同嘅河流、湖、或者地下水等等，嚟為喺陸地生活嘅生物提供水源。如果陸地嘅生態系統嘅水源唔足夠嘅話，就會造成缺水嘅情況，一般喺旱災嘅時期最常見。仲有，因為水嘅隔熱能力比較強，所以喺陸地嘅生物，會比喺海洋嘅生物承受嘅溫差大，因為少咗水去恆溫。

陸地生態系統係環境保育嘅重要對象之一，其中聯合國嘅《可持續發展目標》嘅第15條，亦有提到要維護陸地嘅生態系統。