陸秀夫（1237年—1279年），字君實，楚州鹽城（而家江蘇鹽城）人，宋末民族英雄，政治家。夾埋文天祥、張世傑俾人叫「宋末三傑」。
寶祐年間中進士，做過禮部侍郎，簽書樞密院事，抗元嘅主要人物。陸秀夫同張世傑擁立宋端宗嘅親細佬七歲廣王趙昺為皇。1279年，元朝大軍進攻，崖山海戰後，宋軍全軍覆滅。陸秀夫唔願做俘虜，孭住八歲嘅帝昺跳海而死，宋朝亡。
陸秀夫後人輾轉去到廣州從化定居，叫錢崗村。