雙置換反應

雙置換反應，有時又叫複分解反應，係一種化學過程，涉及兩種反應化學物質之間嘅鍵交換，從而產生具有相似或相同鍵合關係嘅產物。呢種反應可以噉樣表示：

${\ce {AB + CD -> AD + CB}}$

佢係一種基本類型化學反應。雙置換反應唔係氧化還原反應（有啲反應係複分解產物再發生氧化還原，而唔係複分解嘅結果）。

一個簡單的複分解反應範例

硝酸銀＋鹽酸→硝酸＋氯化銀↓

上圖係複分解反應範例。圖中各種物質組成元素、原子團嘅化合價喺反應前後保持不變。

有機化學入面嘅類似反應叫取代反應。