雪舟

出自維基百科,自由嘅百科全書
跳去導覽 跳去搵嘢
雪舟

雪舟日文雪舟せっしゅう(Sesshū)1420年1506年),係日本室町時代水墨畫畫家、僧人,作品主要係山水畫

生平[編輯]

「雪舟」係法號,諱「等楊」,所以佢又名「雪舟等楊」,1420年響備中國赤濱(即依家岡山縣總社市)出世,本姓小田,家族據說係武家嚟。細個響寶福寺出家,學習文藝,10歲前往京都相國寺,跟春林周藤學修禪,跟天章周文學畫畫。1454年去到周防國。1465年獲楚石梵琦(そせきぼんき)賜「雪舟」兩隻字,據講嗰時佢就攞「雪舟」嚟做法號。佢嘅號唔知幾時(推斷響1467年)由「拙宗」改為「等楊」,由於佢同雪舟係同一時期出現、畫風相似加上個名日文發音類似,所以被後人認定係同一個人。1467年跟住遣明使船隊去到明朝,行遍中國各地,用咗兩年時間接觸同埋研究水墨畫,甚至住響天童寺嗰陣獲得稱號「四明天童山第一座」,《四季山水畫》就係響佢到中國期間完成。中國嘅自然景色對雪舟產生好大影響,明白到「風景就係最好嘅老師」,所以佢嘅畫風亦變咗,早期主要係畫關於宗教人物,去咗中國之後就廣泛學習唐、宋、元嘅繪畫。1469年返日本,分別響周防國豐後國石見國進行創作活動。1502年嘅《天橋立圖》成為佢藝術生涯嘅巔峰。

多數文獻顯示雪舟係響1506年8月過身,但亦有其他資料話佢係1502年過身。死去嘅日期亦眾說紛紜,《古畫備考》話佢係8月8號死,《雪舟傳》話佢係9月16號死,亦有其他資料話佢係8月26號死。

主要作品[編輯]

《天橋立圖》

國寶[編輯]

重要文化財[編輯]

雪舟作品
傳雪舟筆花鳥圖
名「拙宗」嘅作品
其他
  • 題雪舟山水圖詩(了庵桂悟筆) 附有雪舟自畫像(藤田美術館

參考[編輯]

  • 『雪舟等楊 「雪舟への旅」展研究図録』(山口県立美術館 中央公論美術出版 2006年)
  • 『没後500年特別展「雪舟」』(図録、東京国立博物館、京都国立博物館、2002年)
  • 『雪舟の芸術・水墨画論集』(金沢弘 秀作社出版 2002年)
  • 『画聖雪舟』(沼田頼輔、『論創叢書』1、論創社、2002年3月、ISBN 4-8460-0241-1)古典
  • 『雪舟応援団』(山下裕二、赤瀬川原平 中央公論新社  2002年)
  • 『雪舟はどう語られてきたか』(山下裕二編・監修 平凡社ライブラリー 2002年)
  • 『雪舟 水墨画の巨匠 第1卷』(中島純司 講談社 1994年)
  • 『雪舟 新編名宝日本の美術14』(中島純司 小学館 1991年)