電蚊拍

出自維基百科,自由嘅百科全書
Jump to navigation Jump to search
電蚊拍

電蚊拍係一種對付同埋其他昆蟲嘅架生,貌似羽毛球拍,拍面係由一行嘅金屬枝排成。單雙行各自咁連去正極負極。一撳低響拍柄度嘅掣,金屬支就會各自充上正負電荷。如果有蚊或其他昆蟲掂到金屬枝,兩條唔同電荷嘅鐵枝,佢哋嘅電荷就會穿過昆蟲放咗出來。電荷會將昆蟲燒死。因為電蚊有球拍嘅形狀,就算飛緊嘅蚊蟲,佢都可以好易將佢貼到拍面電死。

電蚊拍只係用乾電,唔使插濕電,所以電流只係好細。咁細電流對人只會有啲痛,但足以殺死細小嘅昆蟲。