電視節目

出自維基百科,自由嘅百科全書
Jump to navigation Jump to search

電視節目係喺電視台播出嘅節目,可以係電視台自己製作、製作公司製作或者買外地電視台節目嘅版權返嚟播。節目類型包括:新聞劇集娛樂體育教育等。一般嚟講,電視節目製作流程可以分為三個階段:前期製作、拍攝,以及後期製作。

製作團隊[編輯]

  • 製作人
  • 編劇
  • 導演
  • 美術設計
  • 燈光師
  • 演員
  • 攝影師
  • 收音師
  • 剪接師

前期製作[編輯]

前期製作階段嘅主要工作係節目內容嘅構思、製作流程嘅規劃,以及拍攝所需要各項要件嘅準備,以確保構思能夠真正轉換成為真實嘅聲音同影像。

1. 節目內容構思

前期製作階段最初嘅任務就係節目內容嘅構思,小組每個成員諗出最想藉住由節目傳達出點樣嘅訊息,初步嘅構思需要係啲乜。

2. 企劃書撰寫

節目內容有咗初步構思之後,跟住每個小組就要召開企劃會議,撰寫出節目嘅企劃書,將節目嘅構思具體化。定出節目名、節目嘅對象、節目嘅長度、節目嘅宗旨或目標、節目嘅內容大綱、影視節目嘅類型、節目嘅製作方式、預計製作進度、節目嘅參與人員,以及製作嘅預算等。

3. 文字劇本同分鏡劇本嘅編寫

確認咗影視節目企劃書之後,就可將節目嘅內容大綱依照節目嘅類型態發展成詳細嘅文字劇本,撰寫出希望觀眾可以聽到同睇到嘅內容。喺文字劇本完成之後,可以進一步將劇本再轉化成分鏡劇本,安排節目嘅各樣畫面同聲音,並依照場地同鏡頭嘅唔同將內容加以分類。分鏡劇本應該盡量精確詳細,以便令到每個參與人員能夠順利完成事前嘅準備同拍攝工作。

4. 各項拍攝工作嘅準備

喺完成劇本之後,另一項重要嘅工作係根據劇本內容,決定合適嘅演員,並依照劇情需要,去搵或佈置需要嘅場景,準備並設計需要嘅道具同服裝。

拍攝[編輯]

拍攝階段係節目真正進行拍攝、錄製嘅過程。呢個階段嘅工作包括實際進入拍攝現場,進行各種型態嘅演出同拍攝,並錄製節目需要嘅所有畫面同聲音。喺製作節目嘅時候主要係由導演指揮現場,每項技術人員合作發揮佢哋嘅專業質素,例如美術設計協助佈景同道具嘅設置同調整,燈光師配合劇情架設合適嘅燈光效果,攝影師接按照導演嘅指示盡力捕捉最適當嘅畫面,收音師需要隨時留意每位演員嘅音量以錄製完美嘅現場聲音等等。

後期製作[編輯]

1. 剪接

拍攝完成之後,已經錄製好所有需要嘅畫面同聲音,但喺呢啲錄製好嘅母帶裏面,除咗所需要嘅片段之外,亦有好多NG嘅畫面同聲音,導演亦可能要求演員喺同一個場景拍攝幾個唔同位置嘅鏡頭,而且錄製片段嘅次序未必同原本規劃嘅順序一樣。因此,呢個階段嘅重要任務就係要剪輯出真正需要嘅畫面同聲音,並將佢哋按照劇本加以排序。

2. 效果

節目嘅內容唔係全部都能夠喺現場拍攝完成,部分節目可能會加入一啲效果嚟強調劇情,例如用慢動作。有時需要加入特效嚟協助劇情嘅表達。另外,剪接之中一段段排序好嘅影片,亦必須喺呢個階段加以銜接。銜接嘅時候除咗單純嘅將片段嘅頭尾相接之外,亦需要依據節目嘅需求加入轉場效果。喺影片剪輯完成之後,最後要為節目加入片頭、片尾同字幕。

3. 聲音編輯

影片嘅內容除咗現場收音之外,若果需要有旁白,或者現場收音效果唔係幾好,亦可以喺呢個階段重新配音嚟彌補呢個缺陷。除此之外,影片亦經常會加入背景音樂或音效嚟輔助劇情氣氛嘅傳達。

睇埋[編輯]

出面網頁[編輯]