青島啤酒
青島啤酒（港交所：00168、上交所：600600、OTCBB：TSGTY）係中國歷史最長嘅啤酒牌子之一。
1903年，由嚟自德國嘅生意人投資40萬馬克喺青島成立咗「日耳曼啤酒公司青島股份公司」，用德國嘅釀造技術同埋原料，喺中國生產德國風味嘅啤酒，主要供應畀啲喺中國嘅德國人同埋其他外國人。
1914年，第一次世界大戰爆發，日本仔侵佔青島。1916年，日本仔攞咗德國生意人嘅股份，再買咗英國生意人嘅股份，將公司名改做「大日本麥酒株式會社青島工場」。1945年日本打敗仗，工廠由青島市政府派人接管，改名做「青島啤酒公司」。
1990年代初，通過同另外三間工廠嘅合併，成立咗股份制公司，改名做「青島啤酒股份有限公司」。1993年7月，青島啤酒H股喺香港招股上市，成為第一批去香港上市嘅中國企業之一。