靠背壟（Kau Pui Lung，舊Hau Pui Loong）係香港一撻地，亦係一條村，喺九龍半島山嘅東面谷地。北面係馬頭圍，西南係採石山，東北係馬頭涌，東南係土瓜灣。原村約莫喺今日農圃道一帶。
有大街靠背壟道通往靠背壟。
靠背壟係谷地，以前有一條村喺度。而且重有條河仔流向東面，經馬頭角村附近，流入九龍灣。本來成個谷都係田。
以前有靠背壟墳場，墳場有十九頃地。有尐係疫症墳場，一九一三年所設，安葬咗一八九四到一九零一年間因為鼠疫而死嘅人。墳場喺一九四八年搬走。
香港中文大學前身之一嘅新亞書院，初時就係喺靠背壟，喺天光道同農圃道之間，今日就有間新亞中學喺度。
半山壹號個商場壹號名薈個入口都係喺靠背壟道，唔係跟地址採石山常盛街。
