顏炳濤

顏炳濤（Yan Bingtao，2000年2月16號—），國籍中國，喺山東淄博出世，係中國職業士碌架運動員。

簡歷

• 2010年，山東省士碌架錦標賽八強。
• 2011年4月，顏炳濤喺西安舉行嘅世創6811-標力青少年士碌架系列賽上，贏得少年組冠軍。
• 2011年12月，顏炳濤喺淄博市士碌架聯賽總決賽上，先後以3:2、3:1打贏山東省冠軍呂擁軍同淄博市季軍吳沖闖入決賽。喺決賽挑戰淄博市老牌冠軍尹東輝，以3:0贏咗，攞到自己嗰年第二個淄博市冠軍。
• 2012年12月 贏到山東省士碌架比賽青島站冠軍。
• 2013年，顏丙濤參加宜興世巡賽，表現突出，第一輪順利過關，第二輪1:4輸咗畀丁俊暉，完成咗世界大賽嘅首戰。
• 2014年11月29號，顏丙濤喺印度參加2014年IBSF世界士碌架業餘錦標賽，喺男子組嘅一場驚心動魄比賽過程中，經過15局嘅苦戰，最後以8-7險勝巴基斯坦選手默罕默德-薩賈德，第一次參賽即成功贏得冠軍，攞到由下一個賽季開始得到職業資格，以14歲零286日嘅年齡，成為咗目前最年輕嘅世界業餘錦標賽冠軍，而之前由呂昊天保持嘅參加職業賽事最年輕嘅歷史紀錄亦被取代。
• 2015年四川省第四屆「聖沅杯」士碌架公開賽喺成都後花園健身俱樂部結束，「2000年後」球員顏炳濤以5∶4逆轉贏咗金龍，第一次贏到本賽事嘅冠軍。

世界排名

• 2017年11月5號，2017年世界士碌架國際錦標賽落下大幕，士碌架世界排名再次更新，中國軍團方面，顏丙濤排名升至第37位。
• 2017年12月18號，2017年世界士碌架蘇格蘭公開賽喺格拉斯哥落下大幕，最新士碌架世界排名產生，中國軍團方面，顏丙濤排名第26位。
• 2018年3月26號，世界台聯喺官網上公佈咗威爾士公開賽後世界排名，中國軍團方面，顏丙濤排名第24位。
• 2018年4月8號，世界士碌架中國公開賽決賽喺北京奧體中心落下大幕，喺中國賽結束之後，新排名亦隨之產生，中國軍團方面，顏丙濤排名第23位。

出面網頁

• 驕傲！17歲淄博撞球神童挑落世界第一，震撼斯諾克界！-每日頭條