風擋

  想搵車、飛機等部份嘅話，請睇擋風玻璃。

風擋圍住爐

硬身風擋

以板做風擋

一套爐具包風擋

風擋，擋板一種，炊具來，亦叫擋風板、擋風屏，圍住火，擋住啲風，唔畀火吹散吹熄。戶外露營，生火在外，風勢時大時細，有風就要用風擋來擋住，唔係就煮唔到嘢。室內通常少風，然而開窗或會扯風，咁會放風擋喺爐頭邊，等啲火燒得穏定啲。

風擋形制，各有唔同，有啲可以摺疊，似屏風，有啲固定似三面板，有啲圍成圈。今下大多數五金做，以鋁合金多，甚至有鈦合金，貪佢夠輕身，而且可以反光，將輻射熱反射返去爐上。然而平平地用錫紙都可做風擋。