風水林
風水林，林一種，亦即村周圍跟風水而留林植林，改善四周地理形勢，趨吉避凶，以祈村人繁盛。按原意，本盛行於嶺南[1]各村風水。然而類似形態之林，亦推而廣之，通稱風水林。推古而言，可追到帝王之墓植林。村有之外，又或廟宇佛寺植林。桉地域如朝鮮叫裨補林，琉球抱護林咁，類以亦見於南洋，甚至西洋都有啲。
由於風水林吉凶攸關，村人自當愛惜，唔會亂斬。林木有啲出自天然，有啲就村民種，種啲同日常息息相關嘅樹，供村人所用[2]。
嶺南各村，一般坐北向南，前水後山。村前有涌水，多數為涌流，以供耕田。村後有靠山，一來有木取用，二來以避水淹。故此風水林就種喺靠山。
當今或視風水為迷信，然而風水本當有其經驗根據，立村如何人畜平安。如涌流水甚急，直衝村舍，植風水林緩和水勢，亦即擋煞。又或風勢甚急，夏有打風，冬有寒風，風水林環抱，緩和風勢，以保村人。另外亦有保護水土、防止山泥傾瀉之用。
生態而言，風水林亦為種種生靈棲息地，物種繁多[3]。有啲地方，如香港咁會立例保護某啲風水林生物。