颱風莫拉菲 (2009年)
唔好同颱風莫拉克 (2009年)搞亂。
| 颱風莫拉菲 Typhoon Molave（英語） | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||
 莫拉菲巔峰時期嘅雲圖 | |||||||||||||||||||||||||
| 概況 | |||||||||||||||||||||||||
| 形成日期 | 2009年7月15號 | ||||||||||||||||||||||||
| 消散日期 | 2009年7月20號 | ||||||||||||||||||||||||
| 最低氣壓 | 975 hPa | ||||||||||||||||||||||||
| 瞬間最大陣風 | 175 km/h | ||||||||||||||||||||||||
| 影響 | |||||||||||||||||||||||||
| 死傷人數 |  菲律賓5死 澳門1死 中國大陸1死4失蹤7人輕傷
| ||||||||||||||||||||||||
| 影響地區 | 菲律賓 臺灣 香港 澳門 中國大陸
| ||||||||||||||||||||||||
| 路徑圖 | |||||||||||||||||||||||||
 | |||||||||||||||||||||||||
| 呢個風係2009年太平洋颱風季嘅一部分 | |||||||||||||||||||||||||
颱風莫拉菲 （英語：Typhoon Molave，菲律賓大氣地理天文部門：Isang，國際編號：0906，JTWC：07W）係2009年嘅一個熱帶氣旋。
「莫拉菲」係菲律賓氣象部門嚮2004年畀嘅熱帶氣旋名，取代2003年造成四十幾人死以後唔用嘅伊布都，莫拉菲意思係菲律賓一種常用製造傢俬嘅硬木。
發展過程及路徑[編輯]
2009年7月15號朝早9點，聯合颱風警報中心對一個喺菲律賓以東海域形成嘅熱帶低氣壓發出第一次報告。喺2009年7月15號下晝7點，熱帶低氣壓07W集結喺菲律賓以東，預料向西北移動。之後，熱帶低氣壓07w採取行西北，橫過菲律賓以東海域。2009年7月16號夜晚8點，香港天文台將07W升格為熱帶風暴，同時日本氣象廳亦將07w升格為熱帶風暴，命名為莫拉菲。莫拉菲受惠於西太平洋高水溫，幅散、幅合強勁同風切變低，快速增強，喺2009年7月17號下畫增強成強烈熱帶風暴，香港天文台嗰陣評定莫拉菲10分鐘平均風力大概係每小時90公里。
而莫拉菲喺7月17號開始以西北路徑橫過巴士海峽一帶，7月17號夜晚，因為副熱帶高壓脊喺台灣一帶及莫拉菲東面嘅大片太平洋海域，於是莫拉菲減少少速，慢慢轉向偏西路徑前進，進入南海北部。而莫拉菲因為減速同水溫高、風切變微弱之下，進一步增強。喺7月18號清晨5:00，香港天文台評定莫拉菲中心風力達120公里／小時嘅颱風。
而莫拉菲進入南海北部之後，再次加速，以時速大約20km/h向西北偏西方向橫過南海北部，進一步逼近華南沿岸，而且受惠於西南季風帶來嘅水氣支援，就算南海北部嘅風切變比較強，亦都繼續慢慢增強，最後登陸之前中心風力去到巔峰，大概有每小時140公里。香港天文台喺7月18號夜晚8點，即係莫拉菲距離香港只有大概150公里嘅時候，將莫拉菲中心風力進一步調升到140km/h，顯示莫拉菲強度再次加強，如果真係橫過香港或者喺香港南面掠過，有好大機會令香港發出十號颶風信號同造成嚴重破壞（因為香港會喺危險半圓入面同埋南邊無地形影響）。
莫拉菲喺7月18號全日都以西北偏西方向穩定逼近珠江口，但係由於莫拉菲風圈緊密（例如佢嘅颶風圈只有60公里），喺莫拉菲距離香港、澳門或者廣東大約150公里嘅時候，重未吹烈風。而莫拉菲之後發展出一個直徑10公里嘅風眼，緊密嘅螺旋雨帶，顯示莫拉菲已經發展成一個成熟嘅颱風。7月18號夜晚，更加有幾個鐘直接向西行，已經幾乎確定佢會登陸珠江口附近。
香港、澳門同深圳喺夜晚11點之後開始受到莫拉菲風眼周邊雨帶影響，風力突升，喺短短2-3個鐘之內風力由清勁至強風程度轉吹起廣泛烈風至暴風程度嘅西北風，因為環流接觸陸地，莫拉菲成熟嘅風眼開始被填塞，但強度無減弱。
7月19號凌晨1點，颱風莫拉菲登陸深圳南澳附近一帶，嗰到錄得最高風速係一小時平均145km/h，顯示颱風莫拉菲強度重係颱風，JTWC低估咗莫拉菲嘅強度；之後，莫拉菲以西北偏西方向橫過深圳一帶，珠江口各地都吹起烈風至暴風程度嘅風，深圳一帶更吹起颶風。莫拉菲橫過深圳之後，喺上晝5點減弱為強烈熱帶風暴，之後穩定以西北偏西方向橫過廣東西部，急劇減弱。3個鐘之後，莫拉菲因受陸地地形影響同水氣供應被阻，所以減弱為熱帶風暴。下晝2點，莫拉菲進一步減弱做熱帶低氣壓。
7月20號凌晨1點，莫拉菲減弱成低壓區[1]，橫過廣東漸漸消散。
影響[編輯]
菲律賓[編輯]
莫拉菲喺7月17號掠過呂宋東北部，導致5人死亡[2]，其中一位死者跌落河浸死，另一位死者觸電喪生。受外圍雨帶影響，首都馬尼拉有幾個地方水浸，政府停止辦公，學校停課，幾廿班航機延遲升降，受災人數超過9萬人。
台灣[編輯]
- 嗰頭發佈最高熱帶氣旋警告信號：海上颱風警報
中華民國交通部中央氣象局喺7月16號夜晚22點發布海上颱風警報，警戒區域係巴士海峽，同時發布東部、東南部、南部同恆春半島豪雨特報。[3]莫拉菲橫過台灣南部期間，屏東牡丹累積雨量超過240毫米、台東達仁鄉土阪超過216毫米、花蓮富里211毫米，而花東及屏東沿海累計雨量都普遍超過100毫米。風力方面，蘇澳有10級陣風、台北受地形影響有8級陣風；而嗰幾日搞世運會嘅高雄地區，18號都重有8至9級嘅強陣風。隨住莫拉菲遠離台灣，中央氣象局喺7月18號朝早8點半解除海上颱風警報並持續發布豪雨特報[4]；而豪雨特報就嚮夜晚9點八解除。[5]
香港[編輯]
- 嗰頭發出最高熱帶氣旋警告信號：
九號烈風或暴風風力增強信號
香港天文台喺7月17號22點15分發出一號戒備信號[6]，嗰時莫拉菲喺香港東南偏東大概680公里。第二日下晝2點15分發出三號強風信號[7]；嗰時颱風莫拉菲集結喺香港東南偏東大概310公里。受莫拉菲外圍下沉氣流影響，18號天文台總部錄得嗰年嘅最高氣溫34.3度，屯門氣溫更加有37度。到夜晚9點半香港天文台發出八號烈風或暴風信號預警[8]，並喺11點半發出八號西北烈風或暴風信號[9]，係香港2009年第一個八號風球。八號風球發出之後，公共交通服務維持正常到尾班車時間，而通宵巴士就停駛。
之後莫拉菲移到大鵬灣附近，即係香港天文台東北偏東大約70公里，於是香港天文台嚮凌晨1點半改發九號烈風或暴風增強信號[10]，係1975年以來第一次連續兩年發出九號熱帶氣旋警告信號。莫拉菲嚮凌晨2點至3點左右最接近香港，並喺天文台東北偏北大約40公里掠過。因為莫拉菲最終正面吹襲深圳南澳，香港位於其可航半圈同冇入到香港境內，所以唔使發出十號信號[11]。
雖然係咁，莫拉菲仍然為香港帶來一定程度嘅降雨。受莫拉菲影響，黃色暴雨警告信號嚮7月19號凌晨1點45分發出[12]。40分鐘後，即係凌晨2點25分改發紅色暴雨警告信號[13]。15分鐘後即係凌晨2點40分發出新界北部水浸特別報告[14]，再20分鐘後即係凌晨3點鐘發出山泥傾瀉警告[15]。
隨著莫拉菲逐漸遠離，香港天文台陸續取消警告信號。喺凌晨4點40分改發八號西南烈風或暴風信號[16]，兩個鐘之後再改發三號強風信號[17]；另外，紅色暴雨警告信號、新界北部水浸特別報告分別喺朝早5點半[18]同朝早7點[19]取消。及後由於風力進一步減弱，於早上10點40分改發一號戒備訊號[20]、並喺下午1點15分取消[21]、山泥傾瀉警告亦喺12點35分取消[22]。
風暴下，當局至少接獲425宗塌樹同3宗棚架倒塌報告[23]。5人喺颱風警告信號發出期間到公立醫院急症室求診，而民政事務總署開放咗27個臨時庇護站，總共有148人入住[24]。
莫拉菲吹襲香港期間，由於莫拉菲環流幾緊密同受香港地型影響，熱帶氣旋警告系統嘅八個參考測風站之中只有兩站錄得持續烈風，但維多利亞港內嘅九龍天星碼頭就錄得持續嘅烈風。
澳門[編輯]
- 嗰頭懸掛最高熱帶氣旋警告信號：
三號風球
澳門氣象局喺7月17號23時懸掛一號風球[25]。受佢嘅影響，澳門氣象局喺7月18號錄得最高溫度為攝氏37.2度，係嗰時為止2009年嘅最高溫度[26]。隨住風暴迫近，氣象局喺18點30分改發三號風球[27]，當局話除非颱風莫拉菲採取向西移動，如果唔係改掛更高風球機會唔大；但莫拉菲凌晨時分先對澳門有較顯著嘅影響，距離澳門最近試過60公里[28]，而且嗰時香港已經改掛相等於澳門九號風球嘅九號烈風或暴風增強信號，搞到有部分市民不滿氣象局唔改掛更高信號，而氣象局事後解釋莫拉菲吹襲澳門期間整體風力唔大，暴風範圍較細，而且莫拉菲比較近香港，氣象局認為澳門掛3號風球嘅決定合理[29]。喺三號風球期間，一艘舢舨同一艘運油船喺司打口對出海面因為能見度低而相撞，造成一人死亡[30]。澳門所有風球喺7月19號下晝12時30分除下。
中國大陸[編輯]
隨住莫拉菲移入南海東北部，浙江溫州一艘漁船喺風浪入面翻沉，2個漁民失蹤[32]。中國氣象局嚮7月19號凌晨0點50分指出，莫拉菲於嗰日凌晨12點50分前後喺廣東省深圳市大鵬半島沿海登陸，中心附近最大風力有13級。而深圳葵涌同大鵬分別錄到過60.4米每秒同54.0米每秒嘅陣風。莫拉菲正面吹襲深圳期間，地鐵一號線坪洲站地盤有工人宿舍地陷，兩位工人走避不及，一傷一失蹤。18號下晝一個四川男子嚮颱風靠近前喺龍崗區葵涌海灘游水嗰陣失蹤，到而家都未搵番佢。汕頭就有一名男子畀貨架砸死[33]。
熱帶氣旋警告使用紀錄[編輯]
臺灣[34][編輯]
| 交通部中央氣象局 颱風警報 | ||
|---|---|---|
| 上一熱帶氣旋 | 海上颱風警報
|
下一熱帶氣旋 |
| 輕度颱風蓮花 | 中度颱風莫拉克 | |
香港[編輯]
| 香港天文台 熱帶氣旋警告信號 | ||
|---|---|---|
| 上一熱帶氣旋 |  一號戒備信號
2009.07.19 10:40-13:15 |
下一熱帶氣旋 |
| 熱帶風暴蘇迪羅 | 強烈熱帶風暴天鵝 | |
| 熱帶風暴蘇迪羅 |  三號強風信號
2009.07.19 06:40-10:40 |
強烈熱帶風暴天鵝 |
| 颱風鸚鵡 |  八號西北烈風或暴風信號
|
超強颱風天兔 |
| 颱風鸚鵡 |  八號西南烈風或暴風信號
|
超強颱風天兔 |
| 颱風黑格比 |   八號烈風或暴風信號 |
強烈熱帶風暴天鵝 |
| 颱風鸚鵡 |  九號烈風或暴風風力增強信號
|
強颱風韋森特 |
澳門[編輯]
| 地球物理暨氣象局 熱帶氣旋信號 | ||
|---|---|---|
| 上一熱帶氣旋 |  一號風球
|
下一熱帶氣旋 |
| 熱帶風暴蘇迪羅 | 強烈熱帶風暴天鵝 | |
| 熱帶風暴蘇迪羅 |  三號風球
|
強烈熱帶風暴天鵝 |
參考[編輯]
- ↑ 天 氣 稿 第 017 號 - 本港天氣預報，2009年7月20號
- ↑ 莫拉菲較早前襲菲律賓增至5死，香港電台，2009年7月18號
- ↑ "氣象局發布莫拉菲海上颱風警報" (中文). 中央社. 2009-07-16. 喺2009-07-16搵到.
- ↑ "氣象局解除颱風警報 發布豪雨特報" (中文). 中央社. 2009-07-18. 喺2009-07-18搵到.
- ↑ "中央氣象局解除豪雨特報" (中文). 中央氣象局. 2009-07-18. 喺2009-07-18搵到.
- ↑ 天 氣 稿 第 146 號 - 發出/取消熱帶氣旋警告信號，2009年7月17號夜晚22:15
- ↑ 天 氣 稿 第 117 號 - 發出/取消熱帶氣旋警告信號，2009年7月18號下晝14:15
- ↑ 天 氣 稿 第 214 號 - 預警八號熱帶氣旋警告信號之特別報告，2009年7月18號夜晚21:30
- ↑ 天 氣 稿 第 247 號 - 發出/取消熱帶氣旋警告信號，2009年7月18號夜晚23:30
- ↑ 天 氣 稿 第 017 號 - 發出/取消熱帶氣旋警告信號，2009年7月18號夜晚21:30
- ↑ （簡體中文）香港天文台發出九號烈風或暴風增強信號 互聯網檔案館嘅歸檔，歸檔日期2012年8月1號，.，奧一網引述南方網嘅報道，2009年7月19號 01:47(UTC+8)
- ↑ 天 氣 稿 第 027 號 - 黃色暴雨警告信號特別報告，2009年7月19號凌晨01:46
- ↑ 天 氣 稿 第 039 號 - 暴雨警告信號，2009年7月19號凌晨02:26
- ↑ 天 氣 稿 第 045 號 - 新界北部水浸特別報告，2009年7月19號凌晨02:40
- ↑ 天 氣 稿 第 055 號 - 山泥傾瀉警告，2009年7月19號凌晨03:00
- ↑ 天 氣 稿 第 075 號 - 發出/取消熱帶氣旋警告信號，2009年7月19號凌晨04:40
- ↑ 天 氣 稿 第 113 號 - 發出/取消熱帶氣旋警告信號，2009年7月19號朝早06:40
- ↑ 天 氣 稿 第 089 號 - 暴雨警告信號，2009年7月19號朝早05:30
- ↑ 天 氣 稿 第 125 號 - 新界北部水浸特別報告，2009年7月19號朝早07:00
- ↑ 天 氣 稿 第 169 號 - 發出/取消熱帶氣旋警告信號，2009年7月19號朝早10:40
- ↑ 天 氣 稿 第 211 號 - 發出/取消熱帶氣旋警告信號，2009年7月19號朝早10:40
- ↑ 天 氣 稿 第 199 號 - 山泥傾瀉警告，2009年7月19號朝早10:40
- ↑ 颱風莫拉菲(0906)的報告，香港天文台
- ↑ 颱風綜合報告（香港政府新聞公報，2009年7月19號）
- ↑ "晚上11時掛一號風球". 即時新聞. 澳廣視. 2009年7月17日 23:00(UTC+8). Check date values in:
|date=(help) - ↑ "昨傍晚懸三號波 卅七度入夏最高溫 莫拉菲吹粵東". 澳門日報. 2009年7月19日. Check date values in:
|date=(help) - ↑ "六時三十分改掛三號風球". 即時新聞. 澳廣視. 2009年7月18日 18:28(UTC+8). Check date values in:
|date=(help) - ↑ "颱風莫排拉菲 2009年熱帶氣旋年報" (中文).
- ↑ "氣象局指莫拉菲暴風範圍較小". 即時新聞. 澳廣視. 2009年7月19日 18:48(UTC+8). Check date values in:
|date=(help) - ↑ "躉船與水上的士相撞一人不治". 即時新聞. 澳廣視. 2009年7月18日 23:54(UTC+8). Check date values in:
|date=(help) - ↑ 「莫拉菲」逼近 颱風預警升級到橙色[失咗效嘅鏈]，深圳市氣象局，2009年7月18日
- ↑ 溫州對開漁船風浪中翻沉2漁民失蹤，香港電台，2009年7月19號
- ↑ 颱風橫掃深圳 廣東1死2失蹤，蘋果日報 (香港)，2009年7月20號
- ↑ "中央氣象局TDB防災颱風資料庫網頁系統".
睇埋[編輯]
出面網頁[編輯]
風暴短片[編輯]
- （英文）香港九號風球下的大埔富善邨巴士總站，風勢劇烈，2009年7月19日凌晨2時
氣象部門[編輯]
- （英文）http://metocph.nmci.navy.mil/jtwc.php 聯合颱風警報中心首頁
- （日文）http://www.jma.go.jp/jma/index.html 日本氣象廳首頁
- （正體中文 - 台灣）http://www.cwb.gov.tw 中央氣象局首頁
- （英文）http://www.pagasa.dost.gov.ph/ 菲律賓大氣地球物理和天文管理局首頁
- （白話文）http://www.hko.gov.hk 香港天文台首頁
- （白話文）http://www.smg.gov.mo 澳門地球物理暨氣象局首頁