飛行棋

出自維基百科,自由嘅百科全書
跳去: 定向搵嘢
飛行棋棋盤

飛行棋十字戲類遊戲,以模擬飛機飛航做主題,遊戲以飛機由機場起飛至目的地,最快去到目的地就贏,所以叫做飛行棋。飛行棋係中國參考英國十字戲發展出嚟嘅,而英國十字戲係由印度十字戲演變出嚟。傳聞係因感激美國飛虎隊二戰時期對中國嘅援助而發明嘅一種遊戲。

配件[編輯]

基本遊戲規則[編輯]

  • 兩至四人,輪流擲骰,越大點數嘅越先行。
  • 輪到自己嗰時,擲骰開始,擲到 6 先至可以「起飛」(部分版本擲到雙數就可以起飛),將自己其中一隻棋放喺「起飛」處。下一次再擲就可以按骰嘅點數決定行幾多步。
  • 擲到 6 時,行完棋後可重擲一次。但擲到三次 6 時,嗰個玩家嘅棋就要全部返機場,俗稱三次六返大陸。
  • 同色嘅棋可以疊起,但係可唔可以疊住行,就由所有玩家自行決定。
  • 棋踏上本身棋嘅顏色(終點除外),可跳前四格。
  • 如果棋踏上(唔係跳上)正前面有長虛線通去對面嘅一格而又係自己隻色,就可以「飛」到虛線盡頭,再多跳四格;如果係跳到嗰格,又可以飛過,但唔可以再多跳四格。如果飛過虛線時虛線上有對方嘅棋,就可以將對方嘅棋「食咗」。
  • 當自己嘅棋疊上別人嘅棋時,就可以「食咗」佢。佢就要返到自己嘅機場,重新起飛。註:當你行嘅棋數唔及疊埋人哋嗰堆棋(如果行 1 隻棋,疊上對方 3 隻棋時),除咗唔可以食咗佢哋,重要停低。之後亦係無分別。相反就可以食咗佢哋。
  • 棋行到自己顏色嘅柺彎箭頭時,即係就快到終點。之後擲到嘅點數,就向嗰個大箭頭行。
  • 如果喺大箭頭擲嘅點數太大,去到終點時要「反彈」。
  • 如果隻棋喺大箭頭上喺正另一隻色嘅虛線,而嗰隻色嘅棋「飛」過時,自己隻棋就要返機場。
  • 棋嘅步數嗰嗰去到終點,就可以返機場,不過要反轉隻棋,表示已經飛完。
  • 最快完成所有棋嘅玩家就係第一名,如此類推。