餬 (麻雀)

出自維基百科,自由嘅百科全書

係一個麻雀術語,舊時叫「[1],臺灣作「」,中國大陸同日本叫「(粵音wu4,或者變調讀wu2,唔讀wo4)」,係指搞掂鋪牌,取得勝利。打麻雀每一局最終目的,就係「食餬」。

基本上打麻雀,只要湊成「四搭一對」嘅標準牌型就可以食糊,不過臺灣麻雀福建麻雀由於打十六張,所以湊夠「五搭一對」先食到餬。四搭或者五搭,係指四組或五組順子或者刻子組合,而一對即係指一對相同嘅牌作為「」,湊成「四搭一對」或者「五搭一對」,就可以食餬。但亦有特殊牌型,例如:八仙過海七搶一十三么十三不搭十三不靠等牌型,都唔係以「四搭一對」或「五搭一對」食餬。

食餬之後要開牌話畀人知你食咗餬,但如果開出嘅牌根本唔係一副餬牌,噉就叫做「詐餬」,食詐餬當輸三家,因為你阻住咗牌局嘅正常進行。

基本食餬方式[編輯]

自摸[編輯]

日本叫「自摸和」,即係輪到自己摸牌,而摸返嚟隻牌啱啱食到餬,咁就叫自摸。

出銃[編輯]

又叫出衝,亦有人寫做出蔥、出沖,台灣叫「放槍」或者「放炮」,日本就叫「榮和」,即係其他人打出隻牌,而你拎咗隻牌就可以食餬,咁你就可以搶隻牌畀自己食餬。

槓上開花[編輯]

又叫槓上花,日本叫「嶺上開花」,喺槓咗之後一般要補一隻牌,而模返嚟隻補牌咁啱又湊成一副餬牌,咁就叫「槓上開花」。

搶槓[編輯]

台灣同日本都係叫返搶槓,指當某一家加槓嗰陣,加槓隻牌咁啱自己可以食餬,咁就可以將呢隻牌搶返嚟畀自己食餬。

截胡、炮炮響[編輯]

如果有人出銃,咁啱其他幾家都食到餬,呢個情況,只有下家先有優先權食餬,呢種就叫做截胡。而台灣牌就叫呢個情況做「炮炮響」,炮炮響有分「一炮三響」或者「一炮兩響」,形容一打隻牌出嚟,三個人或者兩人個都嗌餬,呢個情況,出銃者要包輸晒,「一炮三響」就輸三家,「一炮兩響」就輸兩家。不過亦有「攔餬」制,同截胡一樣由出銃者下家優先食餬,港式台灣牌多數行呢種例。日本叫「兩家和」同「三家和」,同樣都係出銃者下家優先食餬。

天餬[編輯]

一開局排好副牌乜都唔使做已經係副餬牌,咁可以食天餬。

地餬[編輯]

莊家打出第一隻,其他任何一家食餬,咁呢鋪牌就叫做地餬。

參考[編輯]

  1. 【鏡花緣・第七十三回 看圍棋姚姝談弈譜 觀馬弔孟女講牌經】:當時蔣春輝同眾人分了馬弔一桌、雙陸一桌、象棋一桌、花湖一桌、十湖一桌。」