香淑嫻
香淑嫻（Heung Shuk Han Veronica），香港司法機構入面嘅沙田裁判法院裁判官。
爭議
[編輯]環繞香淑嫻嘅爭議，好多都同一啲民主陣營抗爭運動（例如香港反送中運動）衍生嘅案件有關，針對佢裁判時對被告唔公平。因此，佢被某啲民主陣營人士視為親中派[1]。
剝奪被告獲公平審訊機會
[編輯]喺2017年，前「學生動源」成員劉康喺立法會外參與反對議事規則修訂集會，被警員喺袋中搜出氣槍，劉康喺自辯時稱氣槍用作自衛。劉康之後被香淑嫻判罪成，但劉康之後提出上訴，代表律師批評佢錯誤咁樣主動盤問證人，剝奪被告獲公平審訊機會。最終高等法院裁定劉康上訴得直[2]。
被投訴態度無禮
[編輯]喺2020年，香淑嫻審理一宗香港反送中運動期間嘅襲警案，佢裁定六旬翁被告罪成。之後香淑嫻被投訴，投訴人提佢無耐性、對辯方大狀無禮貌、打斷其發言，回應嘅時候唔耐煩，作出事實裁斷機嘅時候立場偏頗，信納警員證供但就無充分考慮被告嘅狀況，唔合理咁推斷被告故意挑釁警員，又漠視被告嘅輕判請求。不過，投訴法官行為諮詢委員會之後判定投訴不成立[3]。
參考
[編輯]- ↑ 〈香淑嫻：親中派｜香港編年史〉。《香港編年史》。2021-11-08。喺2023-02-18搵到。
- ↑ 〈高院法官：原審裁判官主動盤問 裁決難稱穩妥〉。《Now 新聞》 (香港中文)。喺2023-02-18搵到。
- ↑ 〈裁判官鄭紀航、香淑嫻 2020 年審兩案 被投訴偏頗、無禮 法官小組完成調查指不成立 - 法庭線 The Witness〉 (美國英文)。2022-07-26。喺2023-02-18搵到。