劉康

出自維基百科,自由嘅百科全書
劉康
出生日2001年10月10號 喺Wikidata改呢個 (22歲)
出生地香港 喺Wikidata改呢個
母校葵涌循道中學香港都會大學 喺Wikidata改呢個
職業新聞從業員作家政治人 喺Wikidata改呢個
劉康

劉康英文Honcques Laus2001年10月10號—)係香港學生,效益主義者,民主港獨派政治人物、社運人士、作家、時事評論員,同時係香港效益主義黨主席、「劉康出版社」創辦者同埋前《明報》校園記者。因為個樣同余澎杉相似,而且都係持不同政見者,所以有「香港余澎杉」之稱。劉康有時會就時事發表意見,佢嘅文章有刊登喺香港獨立媒體立場新聞本土新聞眾新聞同埋其他媒體。劉康喺2017年同行政長官林鄭月娥合照嗰陣,展示「香港獨立」標語,抗議香港政府不斷打壓獨立運動同言論自由。同年,劉康喺金鐘連儂牆被警察拘捕,引發BB彈槍案。2019年,劉康出版書籍《輕論時政》。

生平[編輯]

2001年10月10號,劉康喺香港西營盤贊育醫院出世。佢中學讀葵涌循道中學,而家係香港公開大學學生。劉康偨香港獨立支持者。2014年雨傘革命,令劉康開始關心公共事務,同埋支持喺香港實行民主制。2017年11月16號,劉康同行政長官林鄭月娥合照嗰陣,高舉「香港獨立」標語,抗議香港政府不斷打壓獨立運動同言論自由[1]。2019年6月29日,佢成立香港效益主義黨[2]。兩個月之後,佢出版書籍《輕論時政》[3]

2020年,佢去咗英國,之後就畀港府以國安法通緝。

十七歲出版書籍[編輯]

劉康新書《輕論時政》
黃之鋒拎住劉康新書《輕論時政》,表示支持
黃子悅拎住《輕論時政》,以示支持

2019年8月,劉康喺17歲成立「劉康出版社」,同埋出版新書《輕論時政》,收錄劉康刊登喺唔同媒體(包括本土新聞香港獨立媒體立場新聞眾新聞)嘅時事評論文章。林榮基黃之鋒黃子悅鄺頌晴陳樂行,都有幫劉康寫推薦序[3][4][5][6]

經歷[編輯]

同行政長官合照高舉香港獨立標語[編輯]

2017年11月16號,喺第21屆明報校園記者開學禮嘅合照環節度,葵涌循道中學學生劉康喺行政長官林鄭月娥後面,高舉「香港獨立」標語,抗議香港政府不斷打壓獨立運動同言論自由。[1][7]

事後,葵涌循道中學校方警告劉康,同要求見家長,又表明,如果再喺林鄭月娥後面,舉「香港獨立」標語,就會記過。[8][9]劉康覺得,示威係應有嘅表達權利,唔覺得當日抗議政府係有錯,又對校方不滿。劉康話,唔會驚受到打壓而放棄示威權,又計劃喺11月24號喺葵涌循道中學校外,派發宣傳香港獨立嘅單張。[7]

11月24號,香港民族陣綫學生動源喺葵涌循道中學門口,聲援劉康,同埋批評校方政治打壓,干預言論自由。[8]同時,校方就以所謂安全理由,超過2小時禁止劉康離開學校。劉康批評,校方做法匪夷所思。[10]雖然受到校方阻攔,而劉康喺呢日依然有同一啲人喺學校門口,抗議校方。抗議完之後,校方就冇再打壓劉康嘅言論自由[11]

2018年11月28號,佢發表文章,回顧呢件事,篇文章題目係〈面對不義校方就要反抗〉,鼓勵學生「面對不義校方就要反抗」[11][12]

BB彈槍案[編輯]

劉康就BB彈槍案申請上訴

2017年12月,親中人士響立法會提出修改議事規則期間,劉康畀人發現響連儂牆有未組裝完成、又都未上匣嘅BB彈槍而畀人拉咗。2018年4月,佢被控告「藏有仿製火器罪」,劉康唔認,但最後法官響四個月之後判佢有罪,9月12號判佢18個月感化令,並且要參加心理輔導。旁聽嘅青年新政召集人梁頌恆話對判決好失望,話「一個中學生帶BB彈槍都畀人判感化,如果係咁,咁全香港嘅學生咪要坐監」[13]。2019年6月,劉康提出要上訴,同年7月高等法院裁定劉康上訴得直,罪名唔成立。劉康話呢個係啱嘅裁決,批評檢控係政治打壓[14]

之後律政司曾經要求重審,劉康知道咗就批評律政司死纏爛打,覺得律政司係出於佢嘅政治立場而打壓佢。高等法院響8月拒絕咗律政司,高院覺得BB彈槍只不過係一支可以響普通玩具鋪以幾十蚊就買到嘅野,響公義上講唔通[15]

成立香港效益主義黨[編輯]

劉康響度讀緊由米爾作嘅《效益主義》

2019年6月29日,劉康成立香港效益主義黨,擔任黨主席。劉康主張效益主義為道德基礎:「效益就係受牽涉者嘅幸福。任何道德句子,都可以邏輯等值咁轉換成經驗句子。任何事,如果傾向於令受牽涉者幸福,就係啱。任何事,如果傾向於令受牽涉者痛苦,就係錯。」劉康指出,自由民主獨立都係符合效益。佢不滿政府政策違反效益,令香港人陷於痛苦。佢表示,成立效益主義黨係為咗弘揚效益主義[2]

去英國[編輯]

2020年6月,因為國安法頒佈之後可能會畀人迫害,所以佢去英國尋求政治庇護。佢話,依家響英國有政府支持,三餐溫飽,唔使驚人身安全冇保障,雖然政治庇護未獲批,但係佢希望獲批之後可以響英國讀書,並且佢唔會放棄政治主張[16]

響2020年7月,劉康同羅冠聰鄭文杰朱牧民黃台仰陳家駒六個人因為煽動分裂國家、勾結外國或者境外勢力危害國家安全,而畀香港政府以國安法通緝[17]

著作[編輯]

  • 《輕論時政》,香港:劉康出版社,2019年(ISBN 978-988-79954-0-1[5]
  • 〈流利翻譯原則〉,《劉康論刊》,1 (1): 15-58, ISSN 2755-1636。
  • "Applicability of the Laws of Thought", Honcques Laus's Review, 1 (1): 4-14, ISSN 2755-1636。

譯作[編輯]

[編輯]

參考[編輯]

  1. 1.0 1.1  . [[香港01]]. 2017-11-16. 喺2018-09-24搵到.
  2. 2.0 2.1 17歲中學生劉康成立效益主義黨 批政府令港人陷於痛苦. [[香港獨立媒體]]. 2019-06-29. 原著喺2019-06-30歸檔. 喺2019-06-30搵到.
  3. 3.0 3.1 益黨康出書 歡迎畀美金. [[明報]]. 2019-08-31. 喺2019-08-31搵到.
  4. 七歲劉康出版新書思考時政哲學 紀錄黑獄見聞. [[本土新聞]]. 2019-08-30. 原著喺2020-03-15歸檔. 喺2019-08-31搵到.
  5. 5.0 5.1 劉康 (2019年8月). . 香港: 劉康出版社. ISBN 978-988-79954-0-1. 喺2019-09-10搵到. via Google Books
  6. . 中央廣播電臺. 2019-10-12. 喺2019-12-02搵到. {{cite web}}: Cite has empty unknown parameter: |1= (help)
  7. 7.0 7.1 . [[蘋果日報_(香港)|蘋果日報]]. 2017-11-24. 原著喺2018-08-08歸檔. 喺2018-09-24搵到.
  8. 8.0 8.1   . [[香港01]]. 2017-11-24. 喺2018-09-24搵到.
  9. 生校外派港獨傳單 遭教局嚴厲譴責 親中團體踩場對罵. [[蘋果日報_(香港)|蘋果日報]]. 2017-11-24. 原著喺2018-11-06歸檔. 喺2018-09-24搵到.
  10. . [[蘋果日報_(香港)|蘋果日報]]. 2017-11-25. 原著喺2018-11-06歸檔. 喺2018-09-24搵到.
  11. 11.0 11.1 劉康 (2018-11-28). . 香港獨立媒體網. 喺2019-07-08搵到. {{cite web}}: Cite has empty unknown parameter: |1= (help)
  12. 劉康 (2019). . . 香港: 劉康出版社. p. 33-42. ISBN 978-988-79954-0-1.
  13. 星島日報. 生動源成員立會外藏氣槍罪成候判 梁頌恆:中學生帶BB彈槍被告仿製火器罪. std.stheadline.com (中文). 原著喺2020-08-26歸檔. 喺2020-11-01搵到.
  14. 審官入盤問 藏氣槍少年撤定罪 高院指或致不公平審訊 劉康上訴得直 - 20190705 - 港聞 - 每日明報 - 明報新聞網. web.archive.org. 2020-08-26. 歸檔時間2020-08-26. 喺2020-11-01搵到.{{cite web}}: CS1 maint: bot: original URL status unknown (link)
  15. 康涉藏氣槍上訴得直 律政司求重審 官指該槍玩具店有售拒受理|香港01|社會新聞. web.archive.org. 2020-08-26. 歸檔時間2020-08-26. 喺2020-11-01搵到.{{cite web}}: CS1 maint: bot: original URL status unknown (link)
  16. 安法「效益黨席劉康抵英尋政治庇護 稱預計遭迫害 | 頭條日報. web.archive.org. 2020-08-26. 歸檔時間2020-08-26. 喺2020-11-01搵到.{{cite web}}: CS1 maint: bot: original URL status unknown (link)
  17. 區國安法|消息﹕羅冠聰等6名流亡海外人士 涉違國安法被通緝|香港01|突發. web.archive.org. 2020-08-26. 歸檔時間2020-08-26. 喺2020-11-01搵到.{{cite web}}: CS1 maint: bot: original URL status unknown (link)