林榮基

出自維基百科,自由嘅百科全書
Jump to navigation Jump to search
林榮基
林榮基喺維園度.jpg
林榮基出席七一遊行(2017年)
出世1955年12月 (64歲)
英屬香港
屋企臺灣 臺灣(2019年4月25號-)
國籍 英屬香港(1955-1997)
Flag of Hong Kong.svg 中國香港)(1997-)
語言粵語中文
職業銅鑼灣書店店長

林榮基英文Lam Wing Kee1955年12月—),香港人銅鑼灣書店股東同員工失蹤事件主角之一,亦係該書店嘅創辦人同店長。經歷強迫失蹤事件後傾向支持香港獨立[1][2]

背景[編輯]

林榮基喺英屬香港出世,曾經喺香島中學讀書。1985到1989年喺中資公司中華書局做過書籍發行,六四事件後轉職田園書屋[3]。1994年,佢創辦咗銅鑼灣書店。2014年,佢將銅鑼灣書店賣俾巨流傳媒有限公司,佢自己就喺賣盤後留任擔任店長[4][5]

林榮基亦擁有金石圖書貿易有限公司,根據公司註冊處,林榮基擁有五成股份,直至2015年8月25號轉讓畀人。林曾經透過金石公司幫劉以鬯重版咗當時已斷市嘅《酒徒》[6]

經歷[編輯]

2015年10月24號,林榮基喺羅湖口岸過關後失去聯絡。其妻喺11月5號到香港警署報案丈夫失蹤,數小時後即收到林致電報平安。不久,警方又來電詢問剛剛有否收到林嘅電話,又稱有關人士已報平安,故拒絕披露出入境紀錄並停止跟進案件[7]。2016年6月14號,林榮基喺中國大陸返港,向警方要求銷案。6月16號,林榮基喺立法會議員何俊仁陪同下開記者招待會,交代被拘留嘅細節[8]

記者會[編輯]

2016年6月16號,林榮基喺記者會上憶述嘅「被失蹤」時序[9]

日期 地點 經歷
2015-10-24 羅湖關口、深圳派出所 林過關時被深圳關員帶到一旁,後有至少11人將佢帶上七人車,抵達深圳一派出所後被沒收證件。期間林多番追問犯咗乜野事,但得不到答覆。晚上有關人員查問佢嘅個人資料,林整夜坐喺犯人椅上唔可以睡覺。
2015-10-25 由深圳轉移到浙江省寧波 早上7時許,戴上手銬、眼罩、鴨舌帽嘅林被帶上動車,經過13-14小時嘅車程後被轉移至寧波一幢巨大建築物2樓嘅一个不足300呎嘅房間,更換囚衣同作身體檢查。房間內設24小時運作嘅監視器,所有設施被軟墊包裹,亦有其他嚴密措拖防止自殺。當晚林再度追問所犯何事,仍得唔到答覆。
2015-10-26 寧波不明建築物入面一細小房间 下晝,喺未被知會拘留原因下,林被迫签紙答应放弃联络家人同聘请律师,其後有關人員才開始詢問有關銅鑼灣書店嘅事宜,當中包括林嘅職位、書店嘅經營狀況、幫大陸讀者寄書嘅原因等。
2015-10-27至2016-03 寧波不明建築物入面一細小房间 五個月內,林被六组人24小时輪流看守,喪失自由。林喺这个房间被中央專案組人員提审20-30次,外出提审两次,當中曾審問有關一啲大陸視為政治禁書嘅撰稿人資料,又要求林指認購書客戶嘅身份。有由北京派來嘅人員辱罵同威嚇林,指當局對林這類人「不會手軟」。外出提审期間看到建築物內有其他被囚人。林又喺「有導演、有台詞」下被迫拍攝認罪片段,有關片段於2月嘅鳳凰衛視播出。
2016-04至2016-06-14 广东韶关一處地方 林由寧波被轉移到广东韶关,其後被安排到圖書館工作,不能離開韶關特定範圍[註 1]。喺韶關期間曾被安排到深圳麒麟山莊同李波、呂波同埋張志平飲茶,全程被監視同錄影。某夜凌晨1時有兩名小姐拍門疑招攬色情生意。经长时间交涉后,林被获准返港探望家人,但条件是他必須把铜锣湾书店客户订书嘅硬件資料帶回大陸,作为日後嘅呈堂证据。
2016-06-14 由韶關至深圳關口、香港 上午7時許,林嘅史先生同埋中央專案組處長陳先生嘅陪同下,嘅韶關乘高鐵到深圳過關。中午抵港後,林按史、陳要求向香港警方銷案。嘅港期間史、陳怕與林同行被拍而分道而行,但林需使用他們提供嘅手機以短訊報告行蹤。
2016-06-15 香港 下午,林按要求到李波辦事處取客戶訂書紀錄嘅硬件。深夜通知中央專案組人員稱錯取電腦硬件。
2016-06-16 上午,林找李波取回正確嘅硬件資料。中午林到達九龍塘站準備帶資料轉乘火車返回中國大陸,但經深思後決定聯絡民主黨議員何俊仁,當晚喺何嘅陪同下召開記者會交代失蹤真相。

林榮基表示自己改變決定召開記者會,係因為俾6,000個佢唔認識嘅香港人上街支持而受感動。「如果我哋唔出聲,香港就無得救……亦都話畀全世界嘅人知香港人嘅底線,香港人係唔會向強權屈服[11]。」並強調這已非他個人嘅事,而是關乎全體香港人嘅人權同自由,認為銅鑼灣書店事件說明咗中國大陸違反一國兩制[12],並有恃無恐地以為他們不敢反抗。

佢指出銅鑼灣書店係一家根據香港法律下合法經營的小書店,喺香港寄書亦係合法行為,若中國大陸認為他喺香港違反咗中國嘅法律,應該喺法庭以法律途徑檢控佢。林又表示,由於李波複製客戶資料,目前中央已獲得銅鑼灣書店讀者嘅訂書紀錄,涉及大約以內地人為主嘅500到600名客戶,亦有包括香港人,涉及嘅書籍合共有約4,000本。

聲援林榮基遊行[編輯]

2016年6月18號下午3時,泛民主派支聯會成員同大批市民喺銅鑼灣駱克道銅鑼灣書店所在大廈前發起遊行,表達支持林榮基挺身訴說被中國大陸當局拘禁8個月來嘅遭遇。隊伍經過近三個鐘,喺挨晚六點前去到終點中聯辦。林榮基喺遊行隊伍經過金鐘太古廣場時離開,佢話見到咁多人參加遊行,好高興香港有希望。林榮基喺起步前又講,理解書店負責人李波說好多違心嘅說話,但同李波係朋友,不會同佢對質。大會表示有6,000人參與遊行,警方表示高峯期有1,800人參與[13]

被取消出席訪問節目[編輯]

2016年6月18號下午,林榮基出席遊行期間,一名無綫電視記者上前邀請林出席翌日的講清講楚直播專訪節目,當時林未有應承,及後民主黨立法會議員單仲偕同林榮基喺下午約4時離開隊伍返回立法會,商議後林答應出席,但喺5時左右收到該名記者表示,訪問要取消,原因係電視台高層不允許[14]

中國大陸的解釋[編輯]

2016年7月5號,中國大陸方面嘅浙江寧波警方向香港特區政府嘅代表团通报咗林荣基案有关情况[15]

  • 2012年9月,林荣基因携带24件出版物入境俾罗湖海关行政处罚。
  • 2014年,37歲女子胡某通過網路認識林榮基,兩人很快喺深圳一酒店约会并确立男女朋友关系。林榮基答應同妻子离婚,再同胡某结婚,并将胡某嘅仔接到香港定居。之後,林荣基委託胡某向購書人寄送書籍,并向胡某支付郵寄費。
  • 2015年5月,寧波警方发现,胡某喺廣東將香港銅鑼灣書店嘅書籍通過快遞向宁波地区傳播。寧波警方透露,胡某转寄嘅出版物达368单,香港銅鑼灣書店收取的书款达40余万元。
  • 2015年9月,宁波市公安局对林荣基等人以涉嫌非法经营罪立案侦查。
  • 2015年10月,宁波警方将胡某抓捕。
  • 2015年10月24號,林荣基準備去深圳見胡某,从深圳罗湖口岸入关时被宁波警方拘捕。
  • 寧波警方將胡某和林榮基抓捕後監視居住,并告知他們有聘請律師的權利。胡某自稱不想讓家人知道自己和林榮基交往,於是不聘請律師。寧波警方自稱應林榮基嘅要求,每天为其提供水果,为其量血压。
  • 2016年2月4號,香港警方向寧波警方来函詢問,宁波市公安局通过广东省公安厅港澳警务联络科,向香港警方通报咗林荣基案的有关情况。
  • 2016年3月21號,寧波警方自稱林榮基認罪態度較好,由監視居住改為取保候審。
  • 2016年4月4號,林榮基自稱同妻儿关系不和,喺香港居住困难,向辦案機關申請喺廣東某地幫佢安排一個有關圖書管理嘅工作。林榮基被安排進入韶关市图书馆。
  • 2016年6月2號,林榮基提出返港处理个人相关事宜,并保证遵守取保候审有关规定,公安机关同意其返港。
  • 2016年6月16號,林榮基召開記者會,并表示不會返回中國內地。
  • 2016年6月17號,胡某指責林榮基喺記者會上透露兩人之間嘅情侶關係,係一種自私行為。韶關市圖書館館長陳偉清斥責林榮基顛倒黑白,抹黑韶關市圖書館。宁波市公安局相关负责人警告,根据刑诉法规定,取保候审的嫌犯喺被传讯时应及时到案,鉴于林榮基已宣稱不會返回內地,将敦促佢返回内地接受调查。如果拒絕返回,将依法对其变更刑事强制措施。

流亡台灣[編輯]

香港原本并沒有同中国大陸、台湾、澳门签署引渡协议。2019年2月,香港特區政府提出修改《逃犯条例》,容许当局以个案形式把逃犯引渡至上述三地受审。法例喺香港立法会审议期間,林榮基因依舊被中華人民共和國政府以涉嫌非法经营罪通緝,害怕再次被引渡至中國大陸,於是于2019年4月25號前往台灣。大陸委員會暫時核准林榮基喺台灣停留1個月,未來若要申請工作證或長期居留台灣,可依「香港澳門居民進入台灣地區及居留定居許可辦法」提出申請[16]。5月14號,移民署再次延長林榮基在台2個月[17]。7月15號向移民署申請延期獲准停留至10月25號。[18]

喺台灣重啟銅鑼灣書店,疑俾中華統一促進黨恐嚇[編輯]

2019年9月5號晚間,林榮基喺線上募資平台flyingV提案嘅台灣重啟銅鑼灣書店專案開跑[19],不到一日的時間於6號下午達成台幣280萬元嘅目標。[20]書店以香港、臺灣、中國大陸的歷史、社會經濟等文化相關書籍為主;出版異議創作者作品,亦作為喺臺港人連結、互助基地,致力於保留香港文化,促進思想與文化嘅自由交流。

不過,於4月21號,林榮基喺中山捷運站附近嘅咖啡廳用餐時,遭到遭神秘男子潑漆。林榮基又表示,之前接獲律師函,聲稱接受3月初註冊嘅「銅鑼灣書店有限公司」委託,要他不得使用「銅鑼灣書店」名稱,今天就被人潑漆,「很明顯就是恐嚇要我不要開書店」。[21]

事件引起嘩然,陸委會喺社交網站貼文表示台灣係民主國家,不能容忍有關行為。但一名自稱親共愛國同心會、中華統一促進黨成員,喺貼文下留言「這只是我們對你嘅第一次警告,搞死你分鐘嘅事」。[22]就統促黨所進行之恐嚇,時代力量則回應事件,提到之前黃之鋒何韻詩等香港民主派人士被統促黨暴力恐嚇,統促黨贏政黨部主委吳金虎,因涉及恐嚇、暴力討債、毆打欲脫離幫派的幫眾等不法罪行被羈押禁見等事件,再次要求解散統促黨,又批評內政部喺統促黨恐嚇事件中毫無作為。[23]

2020年4月24號,他喺臺北市中山區南京西路重新開設銅鑼灣書店,於翌日中午12點正式開幕。開幕當天,中華民國總統蔡英文也送花祝賀,當局更動員咗300警力防止有人對他造成滋擾,相信與4月21號林榮基被不明人士以紅油淋潑有關[24][25]

對香港政府嘅控訴[編輯]

經歷被中國大陸非法拘禁八個月後,林榮基質疑香港政府無法保障一國兩制,喺事件中亦無營救過任何一個人,書店同事及自己之所以能夠短暫返港,係因為他們選擇咗妥協或答應某種條件。[26]林批評香港保安局局長黎棟國「沒用、失責、失職」,因他不能夠保障香港人喺香港嘅安全,亦對特首梁振英「無話可說」[27],又表示在事件後唔會向香港警方尋求保護,因為喺雨傘革命中警察對學生使用嘅暴力,早已說明香港警察唔係企喺香港市民一方。[28]

對香港獨立同台灣獨立嘅立場[編輯]

2016年6月19號,林榮基喺接受新加坡傳媒Channel NewsAsia訪問時,表明支持香港獨立。林認為當一國兩制不再有效,香港就應該尋求獨立,且港獨是可行並有其理據。又指出中共政權並唔合法,因為佢唔係從合法渠道選出,亦唔尊重人權,質疑去冇資格管治香港。[29]林榮基認為中國即使再歷三千年也不會變,勸人不要打算改變它,有條件嘅人應該離開,同佢一樣沒打算離開嘅人就應抗爭。[30]

2017年1月7號,林榮基喺《眾新聞》嘅專訪中,再次表示對港獨嘅看法。他表示,「港獨,到2047也不可能發生,因地域、經濟、資源等各種限制,令香港冇的自主。佢是一個偽命題,卻可以成為香港人爭取落實真一國兩制、保住自由思想嘅籌碼。大陸最怕就是你多講,將港獨思潮蔓延影響台灣、新疆、西藏等。」[31]

2019年5月,林榮基流亡台灣後,喺台北西門町參加台獨旗隊座談會時表示中國文化一直沉溺於大一統夢想,然而一個地方要有獨立,才能顯現自由。香港已沒有自由同民主,如果台灣被中國大陸統一,台灣人下場會同佢一樣。因此他支持台灣獨立香港獨立、新疆獨立、西藏獨立及內蒙古獨立。

相關影視形象[編輯]

  • 香港電台系列劇集《獅子山下 2018》首集「定風波」,故事改編自林榮基剛從內地回港後嘅經歷,由阮志雄飾演林榮基。

相關[編輯]

[編輯]

  1. 有線新聞報道,林榮基於韶关工作嘅圖書館位於韶關市中心,圖書館職員受訪時指,最初有人陪林榮基來看書,其後林作為圖書館義工喺圖書館工作,而職員所提及嘅日期時間與林榮基在記者會上所說嘅吻合。[10]

參考資料[編輯]

  1. YouTube上面嘅 'Doable' for Hong Kong to seek independence: Bookseller Lam Wing-kee
  2. "一國兩制破產 香港何去何從? 林榮基:尋求獨立". 本土新聞. 2016-06-20.
  3. "呼一口煙,吸一口自由 — 專訪林榮基". 立場新聞. 2016-06-22. 原著喺2019-08-18歸檔. 喺2019-09-24搵到.
  4. "林創辦銅鑼灣書店". 蘋果日報(香港). 2016-06-17. 原著喺2016-06-19歸檔. 喺2016-06-18搵到.
  5. "香港禁書書店老闆「被消失」奇案". 端傳媒. 2015-11-10. 原著喺2017-01-29歸檔. 喺2016-01-07搵到.
  6. "林助劉以鬯《酒徒》再版". 蘋果日報(香港). 2016-06-22. 原著喺2016-06-24歸檔. 喺2016-06-22搵到.
  7. "【書店5人失蹤】另一失蹤者林榮基兒子開腔:母報案後數小時 即收父來電報平安 (00:13)". 明報. 2016-01-06. 原著喺2016-01-16歸檔. 喺2016-01-07搵到.
  8. "【不斷更新】《蘋果》直播 林榮基親證跨境執法捉李波 中央逼港人冇路可逃". 蘋果日報. 2016-06-16. 原著喺2016-06-16歸檔. 喺2016-06-16搵到.
  9. YouTube上面嘅 銅鑼灣書店林榮基直播記招 Full version
  10. "韶關圖書館負責人與林說法吻合". 有線新聞. 2016-06-17. 原著喺2019-07-01歸檔. 喺2016-06-25搵到. Unknown parameter |dead-url= ignored (help)
  11. "【林榮基記者會】原今攜讀者資料交內地 九龍塘站懸崖勒馬折返 林榮基:自己包袱較少決公開一切 (19:35)". 明報新聞網. 2016-06-16. 原著喺2016-06-17歸檔. 喺2016-06-16搵到.
  12. "銅鑼灣書店林榮基 勇敢說真相 爆中共拘押威嚇手段 籲港人勿向強權屈服". 立場新聞. 2016-06-16. 原著喺2016-06-19歸檔. 喺2016-06-16搵到.
  13. "大會稱6000人參與聲援林榮基遊行". 香港電台. 2016年6月18日. 原著喺2016年8月15日歸檔. 喺2016年6月18日搵到. Check date values in: |access-date=, |date=, |archive-date= (help)(繁體中文)
  14. "【被失蹤真相】林榮基原定明出席《講清講楚》 無綫臨時取消訪問". 蘋果日報 (香港). 2016年6月18日. 原著喺2016年6月19日歸檔. 喺2016年6月18日搵到. Check date values in: |access-date=, |date=, |archive-date= (help)(繁體中文)
  15. "宁波警方通报香港:林荣基案侦办尊重香港司法,符合一国两制". 原著喺2019-04-26歸檔. 喺2019-04-26搵到.
  16. "林榮基傳流亡台灣 陸委會:已核准停留一個月". 原著喺2019-04-27歸檔. 喺2019-04-27搵到.
  17. "台湾移民署同意香港铜锣湾书店前店长林荣基在台停留期限延长两个月". 原著喺2019-05-14歸檔. 喺2019-05-14搵到.
  18. "林榮基再獲簽證延長 新書店將落腳西門町". 原著喺2019-07-17歸檔. 喺2019-07-18搵到.
  19. "銅鑼灣書店|台灣重啟|為自由的靈魂而開". 原著喺2019-09-09歸檔. 喺2019-09-08搵到.
  20. "銅鑼灣書店重啟募280萬一天達標 林榮基謝台灣人[影]". 中央通訊社. 2019-09-06. 原著喺2019-09-09歸檔. 喺2019-09-08搵到.
  21. "林榮基在台北遭潑漆:開個書店就要恐嚇 真的很荒謬". 喺2020-05-01搵到.
  22. 汪君邯. "林榮基潑漆案還沒完 自稱統促黨成員恐嚇:搞死你分鐘的事 我們兄弟多". 喺2020-05-01搵到.
  23. "林榮基遭潑漆事件 時代力量:內政部有責任聲請解散統促黨". 喺2020-05-01搵到.
  24. "「銅鑼灣書店」今台北重開,林榮基:我代表香港人,感謝台灣". 關鍵評論網. 2020-04-25. 喺2020-04-25搵到.
  25. "銅鑼灣書店在台重啟 林榮基:台灣是香港人最後的堡壘". 中央通訊性. 2020-04-25. 喺2020-04-25搵到.
  26. "【銅鑼灣書店】梁振英去函中央 林榮基指梁親自上去都冇用". 新浪香港. 2016-06-21. 原著喺2017-03-05歸檔. 喺2019-09-24搵到.
  27. "林榮基:對通報機制欠信心 但有改善「好過冇」". 新浪香港. 2016-07-07. 原著喺2017-03-05歸檔. 喺2019-09-24搵到.
  28. "批港府無救人 警察不站在港人一方 林榮基:對梁振英無話可說". 立場新聞. 2016-06-17. 原著喺2019-08-19歸檔. 喺2019-09-24搵到.
  29. "'Doable' for Hong Kong to seek independence: Bookseller Lam Wing-kee". Channel NewsAsia. 2016-06-19. 原著喺2016-06-21歸檔. 喺2016-06-21搵到.
  30. "林榮基戴的帽子、愛讀的書,以及其他". 立場新聞. 2016-06-22. 原著喺2019-08-18歸檔. 喺2019-09-24搵到.
  31. "林榮基的秘密:嗰日食完三支煙之後……". 眾新聞. 2011-01-07. 原著喺2018-03-05歸檔. 喺2019-09-24搵到.