香港效益主義黨

出自維基百科,自由嘅百科全書
跳去導覽 跳去搵嘢

香港效益主義黨(英語:Hongkonger Utilitarian Party),係香港獨派政黨,2019年6月29號成立,主張效益主義,同覺得自由民主獨立符合效益。現任主席係劉康[1]

歷史[編輯]

香港效益主義黨喺2019年6月29號,由劉康成立。香港效益主義黨主張效益主義係道德基礎,而效益就係受牽涉者嘅幸福:「任何道德句子,都可以邏輯等值咁轉換成經驗句子。任何事如果傾向於令受牽涉者幸福,就係啱。任何事如果傾向於令受牽涉者痛苦,就係錯。」香港效益主義黨覺得,自由民主獨立符合效益,而香港政府而家嘅政策違反效益,令香港人痛苦[1]

事件[編輯]

向英美請求取締工聯會[編輯]

工聯會會長吳秋北喺效益主義黨成立唔夠24個鐘,就建議香港政府取諦效益主義黨。2019年7月9號,效益主義黨主席劉康覺得,工聯會危害香港人自由,所以去到英國駐港領事館同美國駐港領事館,請求英國同美國取締工聯會,將工聯會列為「恐怖組織」,禁止工聯會成員入境英、美,同埋充公工聯會成員喺英國同美國嘅財產。劉康又請求美國建立香港人權民主法案[2]

參考[編輯]

  1. 1.0 1.1 "17歲中學生劉康成立效益主義黨 批政府令港人陷於痛苦". 香港獨立媒體. 2019-06-29. 原著喺2019-06-30歸檔. 喺2019-06-30搵到.
  2. "效益主義黨到英美領事館遞信 促列工聯會為「恐怖組織」". 明報. 2019-07-09. 喺2019-07-09搵到.