香港假新聞法爭議

出自維基百科,自由嘅百科全書
跳去導覽 跳去搵嘢

喺2021年,香港政府有意就假新聞嘅社會問題立法,規管傳媒工作,不過社會上有唔同嘅討論,有人就覺得香港政府有意用嚟打壓言論自由[1][2],亦有人覺得一件新聞事件可以用唔同角度報道,唔係政府講乜就寫乜[3]

唔同機構人士嘅立場[編輯]

香港記者協會[編輯]

香港記者協會表明反對立法規管傳媒工作,認為喺2000年四個新聞專業團體,包括記協、新聞行政人員協會早喺21年前已經共同訂立《新聞從業員專業操守守則》,列明做新聞要求真、客觀,確保無誤導,四哥會亦有機制處理投訴[3]

記協主席楊健興喺2021年接受紐約時報訪問嘅時候,話政府嘅立法計劃同埋主要官員經常性將「假新聞」放喺口邊,係試圖逃避不滿公眾嘅問責,特別係香港反送中運動入面,係為咗逃避公眾嘅批評[1]

眾新聞[編輯]

眾新聞》總編輯李月華批評,假新聞條例細節唔清晰,而且可能包山包海,可能會比北京未經諮詢或香港人同意強行訂立嘅《港版國安法》造成更大嘅傷害[2]

學者[編輯]

香港中文大學新聞與傳播學院教授蘇鑰機指,獨裁國家先會用法律、逮補去控制假新聞,而更自由嘅國家通常以教育為手段處理[2]

親中派[編輯]

好多親中派嘅人都支持就假新聞問題立法。不過,有唔少激進建制派傳媒,例如港人講地HKG報都曾經被指散播假新聞,並且被中文維基百科列為唔可靠嘅資料來源。而立場接近激進建制派嘅傳媒人屈穎妍,亦曾經被點名批評,話佢作為新聞工作者,甚至作為大學傳理學系嘅兼職講師,但就其身不正,發表假新聞同仇恨言論,令香港嘅政治兩極化加劇[4]

行政會議成員湯家驊強調假新聞法係香港處理呢個問題嘅唯一出路[2]

參考[編輯]

  1. 1.0 1.1 王霜舟 (2021-05-07). "香港用打擊「假新聞」進一步收緊媒體控制". 紐約時報中文網 (中文). 喺2021-10-17搵到.
  2. 2.0 2.1 2.2 2.3 "【港大論壇】假新聞難定義 學者憂香港假新聞法恐打壓新聞自由". 台灣事實查核中心 (中文). 2021-07-09. 喺2021-10-17搵到.
  3. 3.0 3.1 "眾新聞重申報道無誤導不再回應 記協稱業界自律機制有效 反對立假新聞法". cablenews.i-cable.com (中文). 喺2021-10-17搵到.
  4. Au, Cheuk Hang; Ho, Kevin K. W.; Chiu, Dickson K.W. (2021-04-19). "The Role of Online Misinformation and Fake News in Ideological Polarization: Barriers, Catalysts, and Implications". Information Systems Frontiers (英文). doi:10.1007/s10796-021-10133-9. ISSN 1572-9419.