香港健康碼（英文：Hong Kong Health Code，簡稱港康碼[1]）係香港喺2021年12月10號推出嘅一個網上系統，幫合資格嘅人將佢哋嘅個人資料，例如陰性核酸檢測結果同埋疫苗接種紀錄，傳去粵康碼或者澳門健康碼系統，用嚟做廣東省或者澳門嘅健康申報。不過當2023年頭香港恢復通關，唔使香港健康碼都可以入到中國大陸同澳門，未有正式啟用嘅機會。
