香港吉野家強姦案
香港吉野家強姦案係2008年4月香港食店吉野家發生嘅一單店員強姦案。
案情
[編輯]2008年9月，香港媒體報導關於網上流傳一條懷疑強姦短片，片長1分48秒。片中顯示兩男一女身穿吉野家餐廳員工服，女方懷疑被迫同男子性交，起初有男聲話：「影埋佢（條女）個樣」...做愛期間，女方曾先後話：「好痛」、「唔好」同「報警」。
短片瘋傳到香港、台灣同中國甚至外地多個華人圈子。最終司法介入，法庭裁定首被告何嘉杰有份參與去年四至五月間，沙田一間吉野家分店內進行強姦犯罪，判監四年。其他人無事。[1][2][3]
香港吉野家就案件提堂後發表聲明：就「有人穿疑似吉野家制服進行不當行為」一事作出回應，指公司非常多謝社會關注公司問題，同時已對員工進行「關愛行動」。 [4]
參考
[編輯]- ↑ 蘋果日報：穿飲食集團制服 數男女旁觀拍攝 強姦片段手機流傳 互聯網檔案館嘅歸檔，歸檔日期2019年10月16號，.，2008年9月10號
- ↑ 吉野家強姦案淫青囚四載 互聯網檔案館嘅歸檔，歸檔日期2019年10月17號，. 2009-09-08 星島日報
- ↑ 吉野家強姦案首被告囚4年 互聯網檔案館嘅歸檔，歸檔日期2019年10月17號，. 香港文匯報-2009年9月7號
- ↑ 吉野家發聲明關愛員工 互聯網檔案館嘅歸檔，歸檔日期2019年10月17號，. 2008年09月13