香港基督教協進會

香港基督教協進會（英文：Hong Kong Christian Council）係香港教會聯合組織，喺1954年成立。目的係推動整體教會嘅聯合見證同宣教工作，致力服務香港人，關心香港。同時與普世教會同合一組織保持聯繫，彼此關懷，分享資源。

起源

香港基督教協進會係由香港華人基督教聯會、中華基督教會香港區會、救世軍、信義宗教會、循道公會、衛理公會、香港浸信會聯會、聖公會、基督復臨安息日會等教會，同香港中華基督教青年會、香港基督教女青年會等基督教團體同埋部分外國同工聯合發起。1954年組織完成，宣告成立。

宗旨

1. 增進香港眾教會同基督教團體間嘅團契，發展聯合事工，以加強宣教活動。
2. 作為教會與基督教團體對共同關注事物交換同調和意見嘅機構。
3. 倡導香港眾教會同基督教團體嘅共同使命同聯合行動。
4. 為基督教合一嘅象徵，並繼續促進教會合一嘅精神同行動。
5. 對於影響市民嘅宗教、道德、經濟、社會生活嘅事項，表示關注，反映意見。
6. 與地區性同世界性嘅普世教會團體保持聯繫。

睇埋

• 基督新教喺香港

出面網頁

• 香港基督教協進會嘅官方網站