香港夜繽紛（英文：Night Vibes Hong Kong），係香港政府喺2023年喺香港舉辦嘅大型活動，聯同唔同機構喺香港各區搞夜間活動，希望可以搞旺夜晚嘅市道。呢個活動喺2023年9月14號正式啟動同公佈細節[1]。活動由中秋節前後嘅日子開始，計劃搞到下年年頭。不過香港夜繽紛嘅活動入面有唔少都係過往每年搞嘅活動，譬如大坑舞火龍、國慶煙花匯演、香港美酒佳餚巡禮，甚至連工展會同年宵都計埋[2]。
