中華基督教禮賢會香港區會
(由香港禮賢會跳轉過嚟)
中華基督教禮賢會香港區會（德文：Synode der Chinesisch-Rheinischen Kirche in Hongkong；英文：The Chinese Rhenish Church Hong Kong Synod），簡稱香港禮賢會，係香港信義宗教會。
史[編輯]
佢原歸中華基督教禮賢會，一九五一年分離出來，直接歸德國禮賢會。一九七一年，禮賢會歸入德國聯合差會，香港區會亦自動成為成員。
分離出來之後，禮賢會總會亦贈予資產畀香港區會。
除咗香港之外，亦曾經拓展海外。一九七五年喺台灣設立台北堂。一九七六年到加拿大多倫多，一九八一年到英國倫敦，以及美國加州，一九八二年美國明城。二十世紀八十年代中期，個會因投資物業失利，賣咗唔少物業還債，因而執咗海外分堂。
堂會[編輯]
今下有堂會十七個，分別為香港島嘅香港堂、 灣仔堂、鴨脷洲堂，九龍嘅九龍堂、慈雲山堂、彩雲堂、紅磡堂、中心堂、禮中堂，新界嘅大埔堂、元朗堂、荃灣堂、梨木樹堂、天水圍堂、上水堂、大埔金福堂、粉嶺堂。
學校[編輯]
學校有禮賢會彭學高紀念中學、粉嶺禮賢會中學兩間中學；九龍禮賢學校一間小學，以及禮賢會恩慈學校一間特殊學校。另有幼稚園多間。