香港聖誕文化

香港聖誕燈飾

香港人過聖誕節，可以追溯到19世紀中香港做咗英國嘅殖民地，將基督教同過聖誕嘅習俗傳到咗香港。

香港嘅聖誕節日氣氛比較濃厚，好多商業大廈都會掛上聖誕燈飾，最出名就係九龍尖東海皮，唔少人都會專登去睇燈飾。另外，好多香港人都會參加聖誕派對、食聖誕大餐、交換聖誕卡同聖誕禮物。而香港人亦習慣到12月26號「拆禮物日」先至拆聖誕禮物（但西方文化係聖誕正日就已經可以拆禮物）。