香港賣淫業

九龍豉油街色情場所外張貼嘅廣告，標示咗唔同地方女性嘅性交易價錢。圖中簡體漢字、繁體漢字同英文並存。

香港賣淫業（hoeng1 gong2 maai6 jam4 jip6），別稱香港性交易產業，係香港嘅性服務行業及相關產業嘅統稱。性交易喺香港本身係合法嘅，但組織及操縱性交易活動係非法嘅。相關法制類似於英國，性工作者及接受性服務嘅個體都係合法嘅，操控性工作者則屬違法。香港並冇設立法定嘅紅燈區供有關行業經營性服務，但較著名嘅性服務經營地區，包括旺角嘅砵蘭街、上海街同新填地街，深水埗福華街，油麻地廟街，大角咀，以及尖沙咀香檳大廈等地。

收費一般以妓女質素而定，部分嘅妓女會以擁有長腿、巨乳為賣點增加收費，亦有妓女喺嫖客提出特別要求時加收費用。低檔次及低收費嘅妓女喺提供性服務時可能會着衫，只脫去下身嘅衣物露出陰道進行陰道交，如要求脫光所有衫就可能要加收費用。另外，如要求進行陰道性交以外嘅服務，或者唔喺「套餐」範圍內嘅其他性服務，例如口交、肛交、乳交等，費用亦會增加。