香港蔴雀食糊牌型

  呢篇文章講嘅係香港清章糊牌規例。想搵有關廣東新章的食糊牌型，請睇「廣東麻雀食糊列表」。

呢篇文列香港麻雀（另稱「清章」或「舊章」）嘅食糊牌型同埋準則。

食糊準則

香港蔴雀嘅遊戲規則係最快集齊特定牌型就贏，叫做「食糊」。標準嘅食糊牌型爲「四組一對」，即係集齊「順子」或者「刻子」共四組（「刻子」亦都可以改做「槓子」），加埋「眼」一對。好似下例噉：

（順子）+（槓子）+
（刻子）+(刻子)+（眼)

由例子度可以見到，順子係三隻順序嘅同門數字牌，刻子係三隻相同嘅牌，槓子係四隻相同嘅牌，眼係兩隻相同嘅牌。

有個別特殊牌型屬於例外，例如「十三幺」。（唔計自訂規則，香港蔴雀嘅標準牌型中，淨係得「十三幺」係例外。）

食得糊嗰陣，玩家應該即刻嗌「食糊」、「食」或者「糊」，然後將手牌全數翻開（現時亦有唔嗌只翻開全數手牌），證明佢已經湊成有效嘅食糊牌型。如果佢既唔嗌，亦都唔翻開手牌，就視爲放棄嗰次食糊，並繼續行牌。

香港蔴雀本身係可以無番食糊，叫做「雞糊」，以前多數打「雞四」，亦即係雞糊「零番」嚟做起糊，四番就封頂。亦可以選擇四番為滿糊，然後清一色「雙辣」，例牌「三辣」嚟計算。「雙辣」同「三辣」即係按四番嘅價錢，「雙辣」以倍半或者雙倍計算、同「三辣」以雙倍或者三倍計算。因「番」呢個詞係「翻倍」嘅意思，因此食糊每多一番，價錢就翻多一倍。而雙辣同三辣就控制最高注碼喺四番嘅兩倍（正常計算嘅係五番至六番）同四番嘅三倍（六番以上）。

不過現時一般唔承認雞糊；打較大上限番數嗰陣，食糊最少要有三番，叫做「三番起糊」。上限番數嘅食糊牌型就爲「例牌」，一般會採用八番例牌、十番例牌或者十三番例牌，叫做「爆棚」（相當於日本蔴雀嘅役滿）。下表中註明「例牌」嘅段落裏所列出之牌型，都可以統一計算上限番數，例如即使「大三元」同「坎坎糊」都列喺八番嗰度，但係假如賽前玩家統一以十番作爲「爆棚」番數，並且視呢兩種牌型爲上限番數例牌，係噉，嗰雀局裏就會視「大三元」同「坎坎糊」作十番爆棚計算。

有啲玩家更會使用無截糊嘅準則（多喺打全銃制中使用），打出一張牌多家可同時食糊，叫做「一炮多響」或者「炮炮響」嘅玩法，即係每家食糊通通有效。亦有玩家選擇鬥快叫「糊牌」，而只計最快嘅玩家「糊牌」有效，但呢種糊牌方法並冇根據。

賭得比較大嘅人會選擇打無限番，呢個時候例牌亦都按普通番種計算番數（例如大四喜複計混一色對對糊或者字一色，加起嚟就超過十三番例牌）；所以「天糊」同「地糊」等奇牌，一定要事先說明例牌番數。

正統牌型

下表根據標準番數列出各種食糊牌型。有啲牌型，玩家或者會自行修訂唔同規例，改變所計算嘅番數，就加以附註。

零番

• 雞糊：單純四搭一對、無任何其他組合的牌型，現時一般不能單獨食糊，必須配合其他牌型組合，如現時主流「三番起糊」規則下即需疊加共三番的其他牌型（例：手持一副三元牌刻子再加一張正花時自摸）。

一番

• 平糊：只有順子、沒有刻子的牌型；以現時主流三番制，大多亦需與其他牌型複合才可食糊，如手持一副三元牌加一張正花。

• 無花：沒有花牌。
• 正花：花牌跟座位的風位（門風）吻合。

1號（東）：、

2號（南）：、

3號（西）：、

4號（北）：、

• 自摸︰自己摸出食糊之牌可加一番。（如本身叫雞糊時自摸即滿足一番起糊的條件，俗稱「自摸雞」。）
• 門前清（門清）：沒有上、碰、槓（包括暗槓）任何牌而食糊。
• 番牌：有以下番子的刻子。
  • 三元牌：凡擁有一副由紅中、發財、白板組成的刻子即加算一番。
  • 風牌：東、南、西、北；凡擁有一副吻合門風（西家碰/槓西風）或圈風（南圈碰/槓南風）的刻子即加算一番，若門風與圈風重疊時計兩番（東圈兼東家碰/槓東風可獲兩番，即俗稱的「雙番東」，南圈兼南位時碰/槓南亦可稱為「雙番南」，如此類推。）
• 搶槓：若聽牌時別家槓出自己所聽之牌，即可搶其槓食糊並多加一番；暗槓除聽十三幺者外均不可搶。有部分規例於所有槓類牌型上應用「出槓」原則，將明槓後的糊牌視作打出槓牌者出銃，若為暗、加槓則仍視作摸槓者本人出銃。於無截糊規例中，若有超過一人同時搶槓亦視同一炮多響、需包賠所有糊牌玩家。
• 海底撈月：食全局最後一隻牌，若為自摸則另計再加一番。

兩番

• 槓上開花（槓上自摸）：明/暗/加槓後自摸，補花後不算，外加自摸另計共兩番，但若海底開花的話不另計海底撈月。所有槓類牌型均有部分規例包括「出槓」，將明槓後的糊牌視作打出槓牌者出銃，若為暗槓、加槓即視作摸槓者本人自摸三家賠。
• 一檯花：集齊同一系列的花牌（即「梅、蘭、菊、竹」或「春、夏、秋、冬」），不再計同系列的正花。（如東家拿到「梅、蘭、菊、竹」及「春」，計算「一台花」同埋「春」共三番。）

或

三番

• 花糊：集齊七隻花牌可即時食糊，計兩番加自摸一番（部份規例作三加一番），可另計槓上開花、連槓開花、天地糊等；詳見花糊牌規。

• 對對糊（碰碰糊）：只有刻子的牌型。

• 混一色：只有一門數字牌（筒/索/萬）跟番子的食糊牌型；另計番子。

四番

• 花幺九（混老頭）：只有幺九及番子的對對糊，可另計番牌。

五番

• 小三元：以全部三種三元牌組成兩副刻子加一對眼的牌型；可另計混一色、對對糊及/或字一色。

六番

• 小四喜：以全部四種風牌組成三副刻子加一對眼的牌型。可另計門圈風、三元牌、字一色。

七番

• 清一色：只有一門數字牌（筒/索/萬），沒有番子的食糊牌型。可另計平糊、對對糊等。

八番

• 大三元：集齊中、發、白三個刻子的食糊牌型，可另計混一色、對對糊及/或字一色等。

• 連槓開花（槓上槓自摸）：連開超過一槓後自摸食糊，槓與槓之間不可補花，若滿四槓即改視為十八羅漢例牌並不另計本牌型；另計番子牌、對對糊、清一色或混一色。可同樣適用於槓上開花的「出槓」原則（如有），並以第一槓的性質判定。
• 大花糊（八仙過海）：摸齊八隻花可即時糊牌，計八番自摸。詳見花糊牌規。

• 坎坎胡（四暗刻）：沒有碰、槓過的對對糊。食糊時，單吊將眼可食出銃，雙眼對碰時必須自摸才視作坎坎糊，否則只作門前清對對糊論。另計番子牌、清一色或混一色，但不另計門前清、對對糊。

十番（例牌）

• 字一色（全字糊）：只有番子的食糊牌型；例牌不另計其他牌型。

• 清幺九（清老頭）：只有幺九牌的對對糊；例牌不另計其他牌型。

• 九蓮寶燈（九子連環）：門清狀態下以幺九刻子各一對、其餘二至八各一湊成的清一色，再加任何一隻重複的雀眼即可食糊。例牌不另計清一色等其他牌型。

上述牌型被稱為「聽九張」的正統九蓮寶燈，若先摸得雀眼再聽其他牌者稱為「九蓮花燈」；非門清者稱為「嗌九蓮」（喊九蓮）。

十三番（例牌）

• 天糊：莊家開局補花後立即自摸，但若暗槓再摸僅作普通槓上自摸論。
• 地糊：閒家於開局第一輪即自摸，但若暗槓再摸僅作普通槓上自摸論。
• 人糊：開局第一輪即食別家出銃。
• 大四喜：以東、南、西、北組成四個刻子的食糊牌型；例牌不另計其他牌型。

• 十三幺（國士無雙）：集齊六種幺九牌及七種番子牌，再加其中一張作眼即成。唯一可搶暗槓及不能被其他牌型截糊的牌型，俗稱「牌王」。

• 十八羅漢（四槓子）：開了四個槓的食糊牌型；例牌不另計對對糊等其他牌型。

自訂牌型

以下牌型並唔係標準「清章」蔴雀所有，但根據唔同自訂規例，有部分玩家亦都會接受作有效牌型番數。如果係噉，必須喺開檯前講明。

一番

• 一般高（二同順）：拿到兩副相同的同門順子。若只接受標準「清章」牌型，則視作零番。

• 一般低（二步高）：拿到兩副同門的順子，其中一組的數字須爲另一組的遞進1。例如一組是「四、五、六」，另一組是「五、六、七」。若只接受標準「清章」牌型，則視作零番。

• 缺門（缺一門）：牌型中缺少一種花色序數牌。若只接受標準「清章」牌型，則視作零番。

二番

• 冧手胡：類似日本牌的「雙立直」，即是糊後門清。
• 三般高（三同順）：拿到三副相同的同門順子，可另計混一色或清一色。若只接受標準「清章」牌型，則視作零番，若未開牌則視作三個刻子計。

• 三般低（三步高）：拿到三副同門的順子，其中一組的數字須爲另一組的遞進1，第三組則再遞進1。例如一組是「四、五、六」，另一組是「五、六、七」，第三組是「六、七、八」。可另計混一色或清一色，不另計平糊。若只接受標準「清章」牌型，則視作零番。

• 一條龍（一氣通貫）：擁有同門一至九的牌。若只接受標準「清章」牌型，則視作零番。

三番

• 鐘鼓齊鳴（槓爆）：海底撈月兼槓上開花。計三番或例牌自摸。
• 兩般高（雙龍抱）：拿到兩副般高；若只接受標準「清章」牌型，則視作零番。

• 兩般低（雙蛇抱）：拿到兩副般低；若只接受標準「清章」牌型，則視作零番。

• 鏡糊糊：兩門數字牌兩種相同順子。若只接受標準「清章」牌型，則視作零番。

• 四般高（四同順）：拿到四副相同的同門順子，另計混一色或清一色。若只接受標準「清章」牌型，則視作零番，或視作三個刻子跟一個順子計（沒有上牌翻開或僅翻開一組順子時），但可另計混一色或清一色。玩家在遊戲中也可考慮槓牌。

• 四般低（步步高）：拿到四副同門的順子，其中一組的數字須爲另一組的遞進1，第三組再遞進1，第四組再遞進1。例如一組是「四、五、六」，另一組是「五、六、七」，第三組是「六、七、八」，第四組是「七、八、九」；若只接受標準「清章」牌型，則視作零番，但兩者均可另計混一色或清一色。

• 三槓子：槓出三副牌。若只接受標準「清章」牌型，則視作零番。

• 三喜臨門（三風刻）：牌型有三個風刻，可另計對對糊、混一色。若只接受標準「清章」牌型，則視作零番。

• 七對子（嚦咕嚦咕）：取得七個不同對子。若有四張相同的牌，不能算是兩個對子。若只接受標準「清章」牌型，則不算有效的食糊牌型。

• 雙色同刻：兩門數字牌兩組相同刻子，整幅牌沒有順子。若只接受標準「清章」牌型，則只看作對對糊的牌型。

• 四歸四：四隻相同的牌落到四個順子上。若只接受標準「清章」牌型，則視作零番。（下方例子為三筒）

十番

• 萬綠叢中一點紅：有五索或紅中在內的綠一色，但不能兩者兼有。若只接受標準「清章」牌型，則只看作混一色、混一色對對糊（不含順子）、清一色（不含紅中及發財）或清一色對對糊（不含順子、紅中及發財）計算，另計番子刻子的番。

• 百萬石（百萬雄兵）：清一色狀態所有牌數加起來等於或超過一百，可另計對對糊、平糊，但不另計清一色。

十三番

• 藍一色：只有東、南、西、北、白板或八筒的食糊牌型。若只接受標準「清章」牌型，則只看作混一色對對糊或字一色（不含八筒）計算，另計番子刻子的番。

• 綠一色：只有二、三、四、六、八索或發財的食糊牌型。若只接受標準「清章」牌型，則只看作混一色、混一色對對糊（不含順子）、清一色（不含發財）或清一色對對糊（不含順子與發財）計算，另計番子刻子的番。

• 紅孔雀：只有一、五、七、九索或紅中的食糊牌型。若只接受標準「清章」牌型，則只看作混一色對對糊計算，另計番子刻子的番。

包牌規則

落地即係碰牌、上牌、槓牌嗰陣所翻開嘅牌（或者翻開牌呢個動作）。根據傳統，如果打陪銃制：任何食糊嘅九章落地包出銃（包一半）、十二章落地包自摸。

以下係打全銃制，通常嘅包牌罰則包括：

• 清一色落地：九章落地後，打出同色牌，畀人上、碰或者明槓嗰陣成立。
• 清幺九落地：一、九筒，一、九索，一、九萬嘅任何三種刻子落地後，打出其餘任何一種，畀人碰或者明槓嗰陣成立。
• 字一色落地：東、南、西、北、中、發、白任何三種刻子落地後，打出其餘任何一種，畀人碰或者明槓嗰陣成立。
• 大三元落地：中、發、白其中兩種刻子落地後，打出剩低嗰種，畀人碰或者明槓嗰陣成立。如果嗰玩家大三元九張落地後，仍有其他玩家令嗰玩家十二張落地（包括混一色、混一色加對對糊或者字一色狀態），就由令佢十二張落地嘅玩家包自摸，俗稱包後唔包先。
• 大四喜落地：東、南、西、北其中三種刻子落地後，打出剩低嗰種，畀人碰或者明槓嗰陣成立。
• 十八羅漢落地：出現第三槓嗰陣，打出生張牌（冇玩家打過出嚟嘅牌），畀人明槓第四次嗰陣成立。
• 十二張落地：當打出嘅一張牌令一名玩家十二張落地（唔理任何牌型，包括雞糊），包括令佢數次開加槓或者暗槓後進入單吊嘅狀態嗰陣，都要包自摸。

包牌規則成立嗰陣，如果以上述牌型自摸嗰陣，其他兩家嘅損失由包牌者負擔。如果其他兩家出銃，就由出銃者負擔。

其他規則

詐糊

詐糊嘅定義：打開咗所有牌（未必係14隻，可能夠會大小相公）之後唔能夠糊出。例如打開咗一副唔能夠糊嘅牌型，或者係唔夠起糊嘅番數（通常係三番）。

如果其中一個玩家打出一隻食糊牌後，喺一循內（即係下一次到呢位玩家摸牌之前）第二位玩家打同一隻牌時唔可以食呢張牌。例子：如果玩家A持有3456萬，而玩家A摸咗3萬之後唔小心打出。然後一循內玩家B都係打3萬，玩家A就唔可以憑呢隻3萬食糊。呢個情況要過完一循到玩家A摸牌之後先會解除。

根據慣例，因為食詐糊者阻礙咗牌局嘅進行，以同大家做大牌嘅機會，所以食咗詐糊必須對每家賠出番數上限嘅分數。即係說如果打最大八番，就要每家賠自摸八番價錢。

花糊牌規

• 通常情況下，花糊計三番自摸，大花糊計四番至八番或者例牌自摸。
• 可選擇唔食糊，補咗花後就唔可以食糊。（閒家一開牌七隻花以上除外，見下文。）
• 根據唔同自訂規例：槓上自摸花糊計四番自摸，如果係明槓嘅話就由出槓者包，暗槓或者加槓嘅話家家賠。
• 根據唔同自訂規例：槓上槓自摸大花糊當例牌自摸計，如果第一槓係明槓嘅話就由出槓者包，第一槓係暗槓或者加槓嘅話家家賠。
• 根據唔同自訂規例：莊家一開牌七隻花以上當天糊，如果一開牌少於七隻花嘅話，經過數次補花後集齊七隻花，亦可當做天糊（暗槓後唔算）。
• 根據唔同自訂規例：閒家一開牌七隻花以上，要補花同等到自己第一次摸牌嘅機會先至可以食花糊（齊14隻牌），唔計地糊。自己曾經上、碰過或者過咗自己第一個摸牌嘅機會之後唔可以食糊。
• 根據唔同自訂規例：玩家如果已經持有七隻花，可以選擇等待第八隻花，而唔食花糊。如果選擇等待而摸到第八隻花嘅話，計大花糊。

計分

傳統蔴雀以四番為滿糊，隨後以半辣上，每兩番先至跳一倍。（賭得比較大嘅人亦會辣辣上，每一番跳一倍。）

分數計算（全銃制）

番數	出銃 （$）	自摸
0（雞糊）	1	（自摸最少一番）
1	2	3 （1 x 3）
2	4	6 （2 x 3）
3	8	12 （4 x 3）
4（滿糊）	16	24 （8 x 3）
5	24	36 （12 x 3）
6	32	48 （16 x 3）
7	48	72 （24 x 3）
8	64	96 （32 x 3）
9	96	144 （48 x 3）
10（細爆）	128	192 （64 x 3）
11	192	288 （96 x 3）
12	256	384 （128 x 3）
13（爆棚）	384	576 （192 x 3）

睇埋

• 香港蔴雀
• 廣東蔴雀食糊牌型

出面網頁

• 香港大專聯校蔴雀大賽2017 - 比賽規則（為方便比賽計分，將小四喜、坎坎糊、槓上槓自摸、大花糊、字一色、清幺九、九子連環、天糊、地糊、十三幺、大四喜、十八羅漢等，列為十番例牌。）
• 香港中文大學學生會 蔴雀研究學會：第二屆中大雀皇之皇蔴雀大賽大賽規則（為方便比賽計分，將小四喜、坎坎糊、槓上槓自摸、大花糊、字一色、清幺九、九子連環、天糊、地糊、十三幺、大四喜、十八羅漢等，列為十番例牌。）
• 花式同番數（廣東牌）
• HolidaySmart 假期日常：【新手入門必睇・計番篇】麻雀計番教學～自摸混一色對對糊究竟幾多番？睇完就明！
• 〈香港蔴雀算分方式〉. 原著喺2016-04-01歸檔.網路遊戲 - 神來也 （同正式香港蔴雀計番唔同）