骨灰鑽石，又叫紀念鑽石（英文：Memorial diamond）或者骨灰晶石，係用人嘅骨灰整嘅鑽石。骨灰入面有好多碳元素，經過高壓同高溫程序，就可以變做鑽石，因為入面有其他元素，所以會有唔同色水。骨灰鑽石嘅顏色取決於骨灰質素、火化棺木或者陪葬物料嘅影響。通常骨灰鑽石嘅顏色都會偏淡白、白灰或淡綠色，亦有少數骨灰鑽石會呈現較深嘅顏色。
