《高凶浩劫》（Skyscraper）係一部2018年嘅美國動作電影，由羅遜馬素費巴執導，狄維莊遜、莉芙金寶、黃經漢、挪亞泰萊、羅蘭慕拿、文峰、柏保舒韋伯、昆凌主演。
故仔用香港做背景，虛構出一座全球最高嘅摩天大廈：明珠塔（The Pearl），舊時做過FBI拯救人質隊隊長嘅主角做緊呢座大廈嘅保安顧問，一日呢座大廈發生恐怖襲擊，主角被插贓做兇手，佢要還自己清白之餘，亦要救佢屋企人，更加要搵出幕後黑手。
呢套電影用咗好多粵語同繁體字，對白更夾雜一啲地道粵語粗口，但係所有「香港」嘅外景（包括搭天星小輪嘅一場戲[1]）其實都係響加拿大溫哥華拍[2]。
