魁星閣（粵拼：fui1 sing1 gok3），又嗌文昌閣（man4 coeng1 gok3），係中國嘅傳統祭祀建築。古代為咗祭祀傳說入面，掌管文運功名之神，保一方文風昌盛而起。雖然中國各地好多地方同時起祭祀文昌帝同魁星嘅樓閣現象，但多數起喺市井中心地帶或地勢比較高嘅地方。
建築一般係磚木結構嘅樓閣式建築，尖頂；1樓多數係磚墻同開窗、整大門口；2樓及更高樓層係木墻或木欄杆結構，可以睇到好遠地方。每層樓有檐面，多數係正四、六、八角形。而家佢除祭祀功能外，重成為當地文人雅士嘅聚會場所。
