魚茶
魚茶（粵拼：jyu4 caa4），又叫魚酸，係海南黎族嘅一樣傳統發酵食品。其實係一種特製嘅魚餐，因食用時係用水沖泡，跟著就飲湯食魚，有啲似沖茶[1]。不過其實個名係由黎話轉為海南話嘅發聲[1]。
分類
[編輯]「魚茶」可分成濕魚茶同乾魚茶兩種。前者係要將魚同炒米粉或熟米飯趁熱嘅時候撈埋一齊，適量加鹽，再用陶罐密封七到十幾日，之後就食得，封存嘅越耐就越好食。製乾魚茶就會用魚乾 。
製作
[編輯]主要工序係將生魚或生肉溝入米飯度，落啲鹽，放入陶罐腌製發酵。為咗改善魚茶嘅風味，亦可以加入辣椒、大蒜或其他調味品[2]。 密封過程度忌黐油，唔係嘅話就會腐爛。
喺白沙黎鄉，製作嘅步驟係劏好魚斬細後，摻食鹽腌兩三個鐘頭，再將魚洗淨晾乾。跟著就同魚混勻煮熟嘅乾飯或小米等，再加姜片、蒜等，之後放落壇或玻璃樽度密封等渠發酵。如夏季嘅時候放10日左右就搞掂；如冬季，就需要15日左右。選料講究揀石鯪魚、鰱魚、鱅魚、歪嘴魚、福壽魚等[3]。
相關詩作
[編輯]北宋嘅詩人梅堯臣飽食過魚茶後，試過揮毫話：「大魚人騎上天去，留得小魚來按觴。吾物吾鄉不須念，大官常饌有差別[4]。」
睇埋
[編輯]參考
[編輯]- ↑ 1.0 1.1 唐欢 (2015-02-25)。〈五指山鱼茶 黎苗文化精髓〉。《凤凰海南综合》。喺2020-12-10搵到。
- ↑ 海南黎族鱼茶中微生物多样性分析 [J].王小茹，徐传标，彭湘文，张家超 海南大学食品学院 食品科学, 2017, 38(6): 136-141.
- ↑ 〈白沙鱼茶〉。《海南旅游数字博物馆》。2009-01-21。喺2020-12-10搵到。
- ↑ 钱国宏 (2016-11-17)。〈黎族鱼茶透坛香〉。《人民日報》。喺2020-12-10搵到。
