黃健茵
黃健茵（1980年9月23號－2019年10月8號），香港已故人士，被指是香港反送中運動期間「被自殺」的示威者[1]。
2019年10月8號，黃健茵被發現浮屍鴨脷洲海怡半島。屍體被發現嘅時候，身處示威者裝束。後來有聲稱閉路電視影到佢跳海，但有網民提出多項疑點，包括黃健茵屍體被撈起嗰陣穿長袖衫，但閉路電視入面個女仔著短袖衫。佢嘅老公認屍後，無要求公開閉路電視片段，話唔追究死因；家人同月25號舉殯，反常直接喺殮房火化，再運到道堂做法事，不設靈堂，只供親友上香致祭，而且反應冷淡，叫網民唔好要再問；有表示是死者朋友嘅網友稱，黃出事之前，曾經約朋友之後一齊食飯飲酒，認為黃無可能自殺[2][3]。
去到2022年10月7號，佢被《門徒媒體》證實靈位安置喺曾咀靈灰安置所，享年39歲。但《門徒媒體》報道有關新聞之後，就遭受「分散式阻斷服務攻擊」超過三萬次，表示懷疑同黃健茵嘅報導有關[4]。
參考
[編輯]- ↑ "LIHKG". 《LIHKG 討論區》. 喺2022-10-18搵到.
- ↑ 門徒媒體 (2022-10-07)。〈[被自殺]黃健茵死忌三周年 靈位證實葬於曾咀安置所〉。《門徒媒體》 (臺灣中文)。喺2022-10-18搵到。
- ↑ 門徒媒體 (2022-10-05)。〈[反送中]黃健茵死忌3周年 網民籲鴨脷洲海怡半島悼念〉。《門徒媒體》 (臺灣中文)。喺2022-10-18搵到。
- ↑ 門徒媒體 (2022-10-15)。〈《門徒媒體》披露女義士黃健茵真實身份 即遭DDoS攻擊癱瘓〉。《門徒媒體》 (臺灣中文)。喺2022-10-18搵到。