反修例運動示威者被自殺或失蹤爭議

出自維基百科,自由嘅百科全書
跳去導覽 跳去搵嘢

反修例運動示威者被自殺或失蹤爭議,係指喺香港反逃犯條例修訂運動(反修例運動)期間,報稱有大量被捕人士失蹤或者被香港警察殺害嘅爭議。

公眾對自殺者真正死因嘅質疑[編輯]

喺香港反修例運動期間,有啲民眾發現自殺案件數字節節攀升,而且海上發現唔少浮屍,有學者質疑呢啲自殺案件唔單純。自6月12號之後,每10天嘅自殺案件都維持在大約10人左右,但去到8月21號到31號,自殺案件突然飆升至18人,咁啱就係新屋嶺事件曝光嘅時間。八三一太子站事件後,自殺案件更高達49件。呢啲案件有啲疑點重重,包括墜樓無血跡,屍體反有舊傷等等[1]

其中被視為被自殺者,又比較多人關注嘅有郭振江黃健茵朱植雄陳彥霖

民間反應[編輯]

為咗搵番有關失蹤者,有網民聯同社工、私家偵探等開設「被捕人士關注組」Telegram群組同埋其他Facebook專頁[2],盡可能上載所有被捕者嘅資料。其中facebook群組「香港失蹤人口關注組」喺2020年3月28號接受蘋果日報訪問嘅時候表示,仍然有二百至三百人未被搵番,每日平均有六十多個尋人帖子,有遊行示威嘅日子會更多[3]

政府同親中派反應[編輯]

文匯報》指呢啲消息「全屬子虛烏有」,只係用來煽動仇警情緒;警方曾回應指唔應該信謠言,認為造謠者「散佈恐怖情緒,誤導市民」,又表示現今資訊發達,任何人都無可能無端「消失」,且失蹤人口在修例風波下無異常增加[4]

不過,雖然警方正式回應嘅時候否認,但係喺香港警察入侵理工大學校園事件嘅審訊,有被告就引述入侵理大校園嘅警察對佢進行嘅恐嚇,話有警察對佢哋講「你有無發覺呢排多咗好多浮屍?」,對話恐嚇示威者同串連反修例運動示威者被自殺或失蹤嘅爭議入面[5]

參考[編輯]

  1. 自由時報電子報 (2019-10-11). !反送中期間自殺頻傳 港網友整理成冊:莫忘這108人 - 國際. (中文). 喺2022-07-21搵到.
  2. 輕示威者懷疑失蹤 特區政府公信力低人人自危. Radio Free Asia (香港中文). 喺2022-07-21搵到.
  3. 黃桂桂. 人日常送中過萬人被捕、失蹤間尋人鏈家屬尋親:仍有2-300人未搵番. 喺2020-03-28搵到.{{cite web}}: CS1 maint: url-status (link)
  4. 蕭景源 (2020-03-16). 消失謠 近九成已尋回 (香港中文). 文匯報. 原著喺2020-03-16歸檔. 喺2020-05-19搵到.
  5. 告稱遭警員打肚威嚇錄口供 聞警稱咗浮屍怕被打死 控方質疑想法幼稚. 2022-08-11.{{cite web}}: CS1 maint: url-status (link)