香港警察毒品罪行爭議
多年嚟都有媒體報道，香港警察有部分成員涉及毒品罪行，當中甚至有負責反黑或毒品調查嘅警察監守自盜，進行販毒或者吸毒嘅行為。不過，警方高層回應嘅時候，一般都會表示「震驚」、「憤怒」，鬧呢啲人係害群之馬。
事例
[編輯]- 2007年12月，警員龔俊傑被報道，兼職做毒品拆家販賣氯胺酮，之後被控非法販運危險藥物[1]。
- 2019年2月，一名已吸毒12年嘅48歲警員喺休班期間被揭發藏毒，保釋期間仍然吸毒，去到2020年10月被判入戒毒所[2]。
- 2020年5月，西九龍總區一名反黑組警察疑似監守自盜，將查獲嘅冰毒偷咗出嚟轉售，結果喺其他人查緝販毒案嘅時候時自投羅網，當場人贓俱獲[3][4]，案件查落去，仲有多兩名警察被捕[5]。
- 喺2020年4月27號至5月7號期間，45歲警長許思漢搭上女線人王若男串謀販運1600萬查案所得冰毒，去到2024年3月20號，警長被判囚23年10月，法官指警長從掃毒行動入面私吞毒品，違反警隊信任[6]。
- 2024年7月，34 歲男警方嘉偉喺葵涌警署內當值嘅時候被上司發現精神唔集中，懷疑佢受藥物影響，安排佢接受毒品測試，結果對「可卡因」呈陽性反應，其後被搜出有「可卡因」、「藍精靈」等毒品，另外方嘉偉8 月喺街上因形跡可疑而被同袍截查，再被搜出「咪達唑侖」。佢之後被起訴管有危險藥物等 3 罪。佢之後認罪，去到2015年1月6號 喺沙田裁判法院被判處 12 個月感化令、罰款 2,000 元[7]。
反送中運動相關
[編輯]喺香港反送中運動期間，網上就曾經流傳一啲片段，警察喺街頭執行壓制反送中抗爭嘅任務嗰陣，拎住警棍同盾牌對住鏡頭舞動，似乎做緊一啲恫嚇嘅動作，又顯得興奮異常，好似跳舞咁。有網民質疑，呢啲係咪食咗毒品或興奮劑之類藥物嘅表現[8]。
對露宿者以毒品插贓嫁禍
[編輯]深水埗警區喺2020年2月拘捕一啲露宿者，話佢哋涉及藏毒藏械，但有露宿者向民主派立法會議員邵家臻求助，話自己被插贓嫁禍，並由喺露宿嘅公園嗰度被警員毆打，財物亦比破壞。警方最初否認事件，更反對議員索取公園監控嘅影像，最後喺邵家臻採取法律行動要求強制索取之前，警方採取行動，分別以公職人員行為失當罪同埋妨礙司法公正拉咗9個警員，悉數停職調查[4]，後來其中6人罪成[9][10]。
唔同方面嘅回應
[編輯]立法會議員
[編輯]- 民主派多名立法會議員，包括林卓廷、張超雄、陳志全，都分別曾經關注呢啲警察藏毒案，令市民擔心會唔會係「冰山一角」，保安局禁毒處禁毒專員羅翠薇就回應話警隊採取零容忍態度，干犯毒品案嘅警察只係「極少數」[11]。
香港警察
[編輯]參考
[編輯]- ↑ 〈涉賣K仔警員還柙〉。《香港文匯報》。2007-12-04。
{{cite news}}: CS1 maint: url-status (link) - ↑ 〈吸毒12年警藏毒判入戒毒所 官斥知法犯法不加刑「已經好客氣」 (18:55) - 20201030 - 港聞〉。《明報新聞網 - 即時新聞 instant news》 (繁體中文)。喺2022-02-02搵到。
- ↑ 自由時報電子報 (2020-05-11)。〈港警反黑組查獲毒品轉售牟利 多人被調查 - 國際〉。《自由時報電子報》 (中文)。喺2022-02-02搵到。
- ↑ 4.0 4.1 4.2 〈香港警界違紀案件頻傳 私吞23公斤冰毒轉賣、毆打露宿者 -- 上報 / 國際〉。www.upmedia.mg。喺2022-02-02搵到。
- ↑ 凌逸德 (2020-05-08)。〈士沙私吞毒品│再多1名同隊男警落網 西九反黑2警共吞25公斤冰毒〉。《香港01》 (香港中文)。喺2022-02-04搵到。
- ↑ 凌子淇 (2024-03-20)。〈警長疑搭上女線人 串謀販運1600萬查案所得冰毒 警囚23年10月〉。《香港01》 (香港中文)。喺2025-01-07搵到。
- ↑ 〈34歲男警認警署內藏毒等 被判感化令12個月、罰款2千元 - 法庭線 The Witness〉 (美國英文)。2025-01-06。喺2025-01-07搵到。
- ↑ 〈影片：香港警察的動作詭異 疑似嗑藥〉。《大紀元時報 香港｜獨立敢言的良心媒體》 (香港中文)。2019-09-03。喺2022-02-02搵到。
- ↑ 劉安琪 (2024-10-08)。〈警涉誣衊露宿者6人罪成 求情稱前途盡毀 官反問警犯法不用坐監〉。《香港01》 (香港中文)。喺2025-01-07搵到。
- ↑ 〈8警涉深水埗襲露宿者、誣衊藏毒被控10罪 被告警長要求傳另一警長作控方證人被拒 - 法庭線 The Witness〉 (美國英文)。2022-09-26。喺2025-01-07搵到。
- ↑ 鄭秋玲 (2020-07-07)。〈多名議員關注警察涉毒僅「冰山一角」 禁毒專員︰屬個人推測〉。《香港01》 (香港中文)。喺2022-02-02搵到。
- ↑ 鄭秋玲 (2020-10-23)。〈警隊月底正式推自願驗毒計劃 擬明年設晉升人員財務審查〉。《香港01》 (香港中文)。喺2022-02-04搵到。
