香港警察毒品罪行爭議

出自維基百科,自由嘅百科全書

多年嚟都有媒體報道,香港警察有部分成員涉及毒品罪行,當中甚至有負責反黑或毒品調查嘅警察監守自盜。不過,警方高層回應嘅時候,一般都會表示「震驚」、「憤怒」,鬧呢啲人係害群之馬。

事例[編輯]

  • 2007年12月,警員龔俊傑被報道,兼職做毒品拆家販賣氯胺酮,之後被控非法販運危險藥物[1]
  • 2019年2月,一名已吸毒12年嘅48歲警員喺休班期間被揭發藏毒,保釋期間仍然吸毒,去到2020年10月被判入戒毒所[2]
  • 2020年5月,西九龍總區一名反黑組警察疑似監守自盜,將查獲嘅冰毒偷咗出嚟轉售,結果喺其他人查緝販毒案嘅時候時自投羅網,當場人贓俱獲[3][4],案件查落去,仲有多兩名警察被捕[5]

反送中運動相關[編輯]

香港反送中運動期間,網上就曾經流傳一啲片段,警察喺街頭執行壓制反送中抗爭嘅任務嗰陣,拎住警棍同盾牌對住鏡頭舞動,似乎做緊一啲恫嚇嘅動作,又顯得興奮異常,好似跳舞咁。有網民質疑,呢啲係咪食咗毒品或興奮劑之類藥物嘅表現[6]

對露宿者以毒品插贓嫁禍[編輯]

深水埗警區喺2020年2月拘捕一啲露宿者,話佢哋涉及藏毒藏械,但有露宿者向民主派立法會議員邵家臻求助,話自己被插贓嫁禍,並由喺露宿嘅公園嗰度被警員毆打,財物亦比破壞。警方最初否認事件,更反對議員索取公園監控嘅影像,最後喺邵家臻採取法律行動要求強制索取之前,警方採取行動,分別以公職人員行為失當罪同埋妨礙司法公正拉咗9個警員,悉數停職調查[4]

唔同方面嘅回應[編輯]

立法會議員[編輯]

  • 民主派多名立法會議員,包括林卓廷張超雄陳志全,都分別曾經關注呢啲警察藏毒案,令市民擔心會唔會係「冰山一角」,保安局禁毒處禁毒專員羅翠薇就回應話警隊採取零容忍態度,干犯毒品案嘅警察只係「極少數」[7]

香港警察[編輯]

  • 喺2020年5月,警務處處長鄧炳強曾經發佈內部信件,批評呢啲人係害群之馬[4]
  • 喺2020年10月,香港警察宣布推出針對警隊以內嘅自願驗毒計劃[8]

參考[編輯]

  1. 賣K仔警員還柙. . 2007-12-04.{{cite news}}: CS1 maint: url-status (link)
  2. 毒12年警藏毒判入戒毒所 官斥知法犯法不加刑經好客氣 (18:55) - 20201030 - 港聞. 報新聞網 - 即時新聞 instant news (繁體中文). 喺2022-02-02搵到.
  3. 自由時報電子報 (2020-05-11). 警反黑組查獲毒品轉售牟利 多人被調查 - 國際. (中文). 喺2022-02-02搵到.
  4. 4.0 4.1 4.2 港警界違紀案件頻傳 私吞23公斤冰毒轉賣、毆打露宿者 -- 上報 / 國際. www.upmedia.mg. 喺2022-02-02搵到.
  5. 凌逸德 (2020-05-08). 沙私吞毒品│再多1名同隊男警落網 西九反黑2警共吞25公斤冰毒. 港01 (香港中文). 喺2022-02-04搵到.
  6. 片:香港警察的動作詭異 疑似嗑藥. 紀元時報 香港|獨立敢言的良心媒體 (香港中文). 2019-09-03. 喺2022-02-02搵到.
  7. 鄭秋玲 (2020-07-07). 名議員關注警察涉毒僅山一角 禁毒專員︰屬個人推測. 港01 (香港中文). 喺2022-02-02搵到.
  8. 鄭秋玲 (2020-10-23). 隊月底正式推自願驗毒計劃 擬明年設晉升人員財務審查. 港01 (香港中文). 喺2022-02-04搵到.