光復香港,時代革命

出自維基百科,自由嘅百科全書
跳去導覽 跳去搵嘢
搞清楚 「光復香港」跳轉到呢度。
「光復香港,時代革命」旗幟
喺2019年8月22號反送中示威期間展示嘅口號
2019年8月18號,反逃犯條例修訂運動入面出現有關標語塗鴉。
2019年8月5號,反逃犯條例修訂運動入面,金鐘夏慤道天橋懸掛「光復香港,時代革命」手寫標語。

光復香港,時代革命」(粵拼gwong1 fuk6 heung1 gong2 si4 doi6 gaak3 ming6)(英文Liberate Hong Kong, the revolution of our times[1] / 英文Free Hong Kong, revolution now[2]),係香港本土派倡議嘅一個社會運動口號。

歷史[編輯]

呢句口號喺2016年,本土民主前線發言人梁天琦參選第5屆香港立法會新界東地方選區補選嗰陣頭一次提出。佢話任何年齡人士都可以革新同改變,就係「時代革命」。同年第6屆香港立法會選舉青年新政亦有用「光復香港,時代革命」作為競選口號。

到2019年,因應《逃犯條例修訂草案》爭議造成反送中逆權運動,過程中衍生出一系列事件,造成社運升級,香港人重新提出「光復香港,時代革命」口號,引起全世界關注。前端傳媒總編輯張潔平表示個口號係強化行動同革命願望,並指出「香港人,要將香港,成為香港人既香港」,但係親中派表示反對。

香港特別行政區行政長官董建華建制派人士、中共黨媒(《環球時報》、新華社)話,口號同香港獨立運動有關,係挑戰「一國兩制」原則。

2020年7月2號,亦即係港版國安法實施嘅第三日,香港特區政府發聲明話:「光復香港,時代革命」口號有港獨同顛覆國家政權嘅意思[3]

變種[編輯]

「康復香港,時代抗疫」嘅塗鴉
  • 驅逐共黨,光復香港」:意思係想光復香港嘅話,就要擺脫中共對香港嘅干預。
  • 康復香港,時代抗疫」:2020年頭,武漢肺炎香港疫情爆發,抗爭者改編「光復香港,時代革命」口號自勉,希望香港可以盡快成功抗擊疫情。

政府回應[編輯]

2020年7月2日,有報章引述香港警務處消息話由於「光復香港、時代革命」口號出自於本土民主前線前發言人梁天琦喺參加2016年立法會新界東地方選區補選時嘅競選口號,而佢過往曾經提出「港獨」、「香港國」等倡議,所以喺遊行現場或者公眾地方例如商場高叫呢個口號會被視為違反《港區國安法》。

睇埋[編輯]

參考[編輯]

  1. Joachim Boittout (2020-07-03). "'Liberate Hong Kong, revolution of our times' – a legacy from the intellectual history of Republican China". Hong Kong Free Press.
  2. liberate Hong Kong, the revolution of our times 光復香港,時代革命. 中英雙語時事詞彙 (美國英文). 2019-08-09. 原著喺2020-03-15歸檔. 喺2019-10-09搵到.
  3. 鄧家琪, 鄭寶生 (2020-07-02). 政府發聲明 指「光復香港 時代革命」有港獨、顛覆國家政權含意. 香港01 (香港中文). 喺2020-07-03搵到.