黑洋紫荊旗
黑洋紫荊旗（英文：Black Bauhinia flag），簡稱黑紫荊旗，係2019年香港反修例運動一支旗，用而家嘅香港特別行政區區旗做藍本去改，將紅色底改做黑色底，有幾個唔同嘅版本。
設計
[編輯]黑洋紫荊旗設計主要有三款：第一款入面，右邊兩塊花瓣望落好似枯萎緊咁；而第二款就同第一款一樣，都鏟走咗中國國旗上面嗰五粒星，但五塊花瓣都有血跡而且支旗長短比起原本支區旗更加接近一個正方形，創作人覺得一國兩制喺度不斷凋零，香港人嘅基本權利正一步步俾人侵蝕緊[1]；第三款設計就比較簡單，只係將原本支區旗個紅底變做黑底。
| 黑洋紫荊旗唔同款式 | ||||||||||||
|---|---|---|---|---|---|---|---|---|---|---|---|---|
|
.svg)
.svg)
.svg)
.svg)
.svg)
.svg)
使用
[編輯]
黑洋紫荊旗曾經喺2019年香港七一衝突嘅佔領立法會入面用，嗰陣立法會綜合大樓外面同埋金紫荊廣場嘅中國國旗俾人降咗落嚟，升起咗支黑洋紫荊旗，原本支區旗就俾人下半旗，區徽上面嘅白洋紫荊都俾黑油噴污糟，剩係留低香港特別行政區幾隻字[2][3]，以示議會冇辦法反映民意[4]。
之後，黑洋紫荊旗繼續喺唔同場合出現，例如香港眾志就試過喺2019年7月響中環遮打道嘅和平紀念碑升起黑洋紫荊旗，悼念反修例運動入面自殺嘅市民[5]，另外一啲遊行人士就喺同一個月嘅遊行入面響香港西九龍站出面嘅旗杆升起黑洋紫荊旗[6]。8月，有班香港理工大學學生想見校長滕錦光但唔成功，之後將校園入面支旗桿上面嘅理大校旗換做黑色紫荊旗[7]。9月，喺香港大球場舉行嘅世界盃外圍賽，有球迷喺看台舉高黑洋紫荊旗，又著住黑洋紫荊旗上身衫[8]。
2020年3月3日，喺ViuTV播出嘅《究竟食咗乜》節目上，藝人黃秋生頂帽有黑洋紫荊旗，但就俾電視台模糊處理，有網民質疑電視台自我審查[9]。
除咗示威者之外，都有香港警察做緊嘢嘅時候戴住個黐住一塊黑洋紫荊旗嘅頭盔[10]。
而喺西班牙巴薩隆拿一場加泰隆尼亞獨立運動遊行入面，有示威者舉起黑洋紫荊旗，同加泰隆尼亞旗並列[11]。臺灣都有網民喺Facebook揀黑洋紫荊旗做頭像[12]。
爭議
[編輯]呢支旗嘅設計曾經俾香港海關同埋香港警察話涉及香港區旗區徽使用暫行辦法以及版權問題。有律師同埋親中建制派人士，例如陸偉雄就話「黑紫荊旗」唔符合區旗規格，而且冇授權，所以犯咗《中華人民共和國國旗法》。不過佢又話除非有足夠證據，唔係都好難追究支旗來源。而另一種睇法就話呢支旗目的冇侮辱效果，而只係想表達一國兩制已「死」嘅意思[13]。至於將黑洋紫荊旗用嚟做大頭相嘅行爲，關鍵評論網就覺得無辦法完全排除法律風險，但喺忠於人權嘅法律分析下香港人係有用呢啲設計嘅權利[14]。
參考
[編輯]- ↑ 〈香港區旗成抗議標的 洋紫荊花染黑〉。《自由電子報》 (臺灣中文)。自由時報。2019-07-08。喺2020-05-19搵到。
- ↑ 〈突襲！港主權移交22年週年 中國國旗被換黑紫荊旗〉。《新頭殼》。2020-05-19。
- ↑ 〈香港狂徒公然踐踏國旗宣"獨" 各界人士強烈批評〉。《中國新聞網》。2020-05-19。
- ↑ 〈2019.07.01 衝擊立法會〉。《香港民主運動 2019 反送中時序歷程》。2020-05-19。原著喺2020-05-27歸檔。喺2020-05-19搵到。
- ↑ 〈【逃犯條例】香港眾志和平紀念碑升黑紫荊旗 悼反修例輕生市民〉 (香港中文)。明報。2019-07-06。喺2020-05-19搵到。
- ↑ 〈示威者站外掛黑紫荊旗〉 (香港中文)。明報。2019-07-08。喺2020-05-19搵到。
- ↑ 〈【逃犯條例】理大校長公事離港缺席對話 學生掛「黑紫荊旗」抗議〉 (香港中文)。明報。2019-08-16。喺2020-05-19搵到。
- ↑ 魯嘉裕; 陳浩然; 孔繁栩、王譯揚 (2019-09-10)。〈【世界盃外圍賽】大球場球迷中場亮燈繞場慢行 高叫口號及唱歌〉 (香港中文)。香港01。喺2020-05-19搵到。
- ↑ 〈【自我審查？】ViuTV節目blur走黑洋紫荊圖案 主持黃秋生：品牌唔出得〉 (香港中文)。蘋果日報。2020-03-03。原著喺2020-05-27歸檔。喺2020-05-19搵到。
- ↑ 〈警頭盔加黑紫荊 涉辱區徽〉 (香港中文)。蘋果日報。2019-09-24。原著喺2020-05-27歸檔。喺2020-05-19搵到。
- ↑ 〈加泰十萬人遊行中現黑紫荊旗ㅤ示威者望兩地分享策略ㅤ同爭公義自由〉 (香港中文)。立場新聞。2019-10-27。原著喺2019-10-27歸檔。喺2020-05-19搵到。
- ↑ 李雪莉 (2020-01-17)。〈26年民調趨勢：台灣與香港，如何從平行線走向命運同盟？〉。報導者。喺2020-05-19搵到。
- ↑ 陳淑霞梁文才 (2019-07-01)。〈【逃犯條例】網傳金紫荊廣場被換「黑旗」 大律師：或違國旗法〉。《香港01》。
- ↑ 法夢 (2019-06-13)。〈換上「黑洋紫荊」頭像會否犯法？〉。關鍵評論網。原著喺2019-10-14歸檔。喺2020-05-19搵到。