願榮光歸香港

出自維基百科,自由嘅百科全書
願榮光歸香港
發行日期2019年8月31號
格式網絡歌曲
錄製時間2019年8月28號至29號
抗爭歌曲英文Protest song
進行曲
語言粵語
時長1:45
填詞Thomas dgx yhl(t)、眾連登網民
作曲Thomas dgx yhl
出面影片嘅拎
video icon YouTube上面嘅《願榮光歸香港》原版
video icon YouTube上面嘅《願榮光歸香港》正式進行曲版
video icon YouTube上面嘅《願榮光歸香港》蘋果日報剪輯版
video icon YouTube上面嘅《願榮光歸香港》管弦樂團及合唱團版
video icon YouTube上面嘅《願榮光歸香港》英文版(正式歌詞)
video icon YouTube上面嘅《願榮光歸香港》日文版
video icon YouTube上面嘅《願榮光歸香港》德文版
video icon YouTube上面嘅《願榮光歸香港》台語版
2019年9月12號晚,有成千人喺銅鑼灣時代廣場合唱《願榮光歸香港》

願榮光歸香港jyun6 wing4 gwong1 gwai1 hoeng1 gong2》(英文Glory to Hong Kong),係一首由2019年香港反修例運動中抗爭者創作嘅粵語歌曲,作者係「Thomas dgx yhl」同埋一班匿名香港網民(有啲來自LIHKG討論區[1][2]。首歌本來嘅定位係一首抗爭者嘅軍歌[3],但係受歡迎程度遠遠超乎預期,好多人都跟住唱,被香港本土派同部份市民譽為「香港之歌」、「香港國歌」。中共官媒同香港建制派就將首歌貶低,話佢係「政治上很惡毒的歌曲」[4]、「黑暴歌」[5]。香港政府更喺2023年6月向法庭申請禁制令禁制播放呢首歌[6]

[編輯]

歌名中嘅「榮光」解作榮譽、光彩,出自唐代詩人李白大獵賦》、清代學者王琦[3]基督教

彼此呼喊說:聖哉!聖哉!聖哉!萬軍之耶和華;他的榮光充滿全地!

——和合本《以賽亞書》6章3節

方將延榮光於後昆,軼玄風於邃古。

——李白,《大獵賦

榮,榮名也。光,光華也。

——王琦

他們的國粹,既然這樣有榮光,他們自然也有榮光了!

——魯迅,《熱風 · 隨感錄三十八

喺現代日語韓語中仍保留「榮光」一詞:日文栄光えいこう韓文영광榮光

背景[編輯]

睇埋:反逃犯條例修訂運動

2019年6月,香港爆發反修例風波,抗爭活動持續到2020年。同年8月,一首由一班網民自發合力創作,名為《願榮光歸香港》嘅抗爭者進行曲喺網上流傳。作品歌詞嘅意涵可解釋為:香港呢片土地發生令人流淚同憤怒嘅事情後,人民為咗公義而拒絕沉默,並選擇唔再退縮,香港人有勇氣同智慧可以渡過黑暗時刻,走到「光復香港,時代革命,民主自由永不朽」嘅未來[1][7]

製作過程[編輯]

由來[編輯]

2019年6月,香港發起咗反對逃犯條例修訂草案運動(又稱反送中,有意思係:反送終)。呢首歌嘅其中一個創作人Thomas開始認為示威者喺街度唱《海闊天空》同埋《光輝歲月》雖然可以引起大家嘅共鳴,但係旋律上唔係幾夾當時嘅氣氛,所以就開始考慮創作一首新嘅抗爭歌。[8]

編曲過程[編輯]

同一般嘅歌唔同,Thomas認為呢首歌應該以古典音樂為基礎。所以 Thomas 製作嘅時候參考咗一啲外國音樂,例如英國國歌《天佑吾王》,美國國歌《星條旗》、《俄羅斯聯邦國歌》、美國愛國歌《共和國戰歌》以及基督讚美詩《榮歸主頌》等等。《願榮光歸香港》嘅旋律亦考慮咗重拍嘅節奏感,所以呢首歌嘅旋律係類似古典音樂。[9]

填詞[編輯]

Thomas 用咗大概兩個月嘅時間整歌之後,就開始填詞,佢第一個讀到嘅就係「我願榮光歸香港」,所以呢個就變成首歌嘅最後一句,佢認為呢句有兩個意思:

  1. 展望未來,希望香港可以變返做大家心目中嘅光榮、榮耀嘅城市;
  2. 希望香港人願意將自己個人嘅榮耀同埋光榮歸予香港。

第二啲語言[編輯]

首歌推出後,出現過幾個版本嘅英文歌詞,最終由原作者「Thomas dgx yhl」喺9月24號推出正式英文版。另外亦有人填咗德文日文荷蘭文法文等語言嘅歌詞。

加泰文版本喺一次加泰隆尼亞聲援香港嘅集會亦出現咗。

睇埋[編輯]

參考[編輯]

  1. 1.0 1.1 送中人原創抗爭者軍歌 榮光歸香港MV曝光. 自由時報. 2019-08-31.
  2. 盃外權抗爭無阻伊朗作客大球場 網民發起9.10紅衫撐港足. 香港蘋果日報. 2019-09-05. 原著喺2019-09-05歸檔. 喺2019-09-10搵到.
  3. 3.0 3.1 Dgx69210 (2019年8月26號). . 原著喺2019年9月24號歸檔.
  4. 堂播放"反送中"歌曲的香港老師不獲續約,冤?. (中國中文). 2020-06-14.
  5. 榮光國歌 李家超:徹查是否違法. (中國中文). 2022-11-15.
  6. 特區政府向法庭申請禁制令以禁止與一首歌曲有關的非法行為
  7. 人自創"願榮光歸香港" MV撼人心. 中華電視公司. 2019-09-06.
  8. 「香港之歌生? 榮光歸香港作人:音樂是凝聚人心最強武器. 場新聞 Stand News. 原著喺2019-09-12歸檔. 喺2021-03-13搵到.
  9. . 傳媒. 2019-10-20. 原先內容歸檔喺2019-10-21. 喺2022-01-17搵到.

出面網頁[編輯]