民進黨涉港言論同政策爭議
喺香港反送中運動期間，喺台灣嘅民進黨高調聲援香港人爭取民主，當時得到一啲掌聲，但之後民進黨一啲立委或者主要人物(例如王必勝、梁文傑同林靜儀)，就先後發表一啲對香港人唔係咁友善嘅言論，甚至涉及資訊造假，結果引起一啲爭議，有啲人亦指控民進黨食香港人人血饅頭先可以勝出2020年嘅選舉，但之後就用完即棄。而民進黨以外嘅四個在野黨（包括國民黨，民眾黨，時代力量同埋台灣基進），亦一定程度共識，認為民進黨應該對支持香港人做得更多。
事例
[編輯]王必勝
[編輯]2023年11月，正當美國宣布制裁香港多名侵犯香港人人權嘅司法人員，包括逾40名負責執行北京未經諮詢或香港人同意而實施嘅《港版國安法》嘅指定法官同檢控官之際[1]，佢喺Twitter公開發言，話已經無人關注香港，香港『退了好幾個檔次』。有關言論引起一啲香港人討論，網民反應不一，有台灣網民表示支持，喺香港連登討論區，有啲人認同佢嘅說法，有啲人批評如果唔係2019年香港反送中運動台灣一早玩完，形容台灣人對香港用完即棄，有人亦公開指台灣聲稱抗中保台但喺實質措施上比好多國家都要弱，甚至容許極端親中嘅新黨同統促黨繼續存在[2]。另外，時事評論員黃世澤亦用上『岸鳩』一詞形容佢是次言論[3]。
梁文傑
[編輯]2022年，俄羅斯入侵烏克蘭，香港同台灣都有唔少人聲援烏克蘭。但去到4月8號，梁文傑喺Facebook轉載一張Free Hong Kong Centre嘅圖，當中一名烏克蘭軍人對香港及台灣表達謝意。但梁文傑就質疑為點解要多謝香港，指「謝謝香港很奇怪」。之後有香港網民回應質疑，指香港人有苦難言，而且有捐錢畀烏克蘭，對佢嘅言論表達批評。之後，梁文傑更新內容，提到香港政府同香港人民嘅態度唔同，向反侵略爭民主嘅香港朋友致歉[4]。
林靜儀
[編輯]林靜儀唔止一次發佈關於香港人嘅虛假信息，並且藉此攻擊香港人，反對行政院因應香港局勢惡化而支持香港人嘅措施。
喺2022年4月初，香港藝人王喜經桃園機場入境台灣，因為檢測過程刺鼻大量出血受傷，事件引起港台兩地唔少網民關注。林靜儀喺個人社交網站貼上來自香港《明報》嘅截圖，質疑王喜3月30號確診，為何4月3號能入境台灣，懷疑王喜攞到嘅登機前陰性PCR報告，又形容「已知確診個案這樣跑」，令到所有機組員、航空公司、乘客、防疫人員都暴露喺風險入面[5]。《明報》內文實則提及，王喜喺25號已經無不適，上機前已經康復，只係《明報》去到3月30號先報導[6]。但林靜儀提供嘅截圖，就無包括報導內文，而且亦無提供《明報》網站嘅連結，令公眾無辦法查證。
另外，喺2022年5月一次立法院外交及國防委員會會議入面，林靜儀指香港喺2012年開始進行內部國民教育洗腦工作，內容讚揚中國共產黨民族主義嘅歷史，並以此為基礎，質疑台灣政府喺《港版國安法》被北京強行落實後，聲援香港人，開放無居留資格嘅港澳居民來台就讀高中嘅措施[7]。但係喺2012年，香港政府準備推行原定嘅洗腦教育課程，結果由包括黃之鋒在內嘅學民思潮等唔少中學生發起大規模抗議[8][9]，成功令政府擱置實施國民教育課綱[10]。林靜儀說法，和事實並唔相符。
對於林靜儀多次發佈假資訊攻擊香港人，香港民主黨前區議員賴文輝喺2022年5月17號喺社交媒體批評林靜儀以不實信息抹黑香港人，又提及當年香港反國教運動嘅成功以反駁林靜儀。佢又指，林靜儀早前先包場睇紀錄香港反送中運動嘅電影《時代革命》，依家咁樣用資訊攻擊香港人，虛偽到令人作嘔[11]。另外，香港前途關注組亦就林靜儀錯誤指控香港喺2012年開始進行內部國民教育洗腦工作發聲明譴責，指有關措施嘅討論應該就國家資源、人口政策等方面作出理性討論，但唔係建基於謊言[12]。前香港立法會議員黃毓民亦喺6月19號，喺社交媒體批評林靜儀「不諳港情胡說八道」[13]。台灣政治評論方面，中研院學者吳介民亦質疑，林靜儀當初喺台中包場《時代革命》嘅時候，就應該對國家政策理應徹底理解來龍去脈、利弊得失。而家咁做只會令人覺得政府言而無信。佢又批評林靜儀咁樣只係蹭聲量[14]。
其他對外間民進黨涉港政策反應
[編輯]在台港人
[編輯]喺2024年台灣大選，有在台香港人批評民進黨將對手一律抹紅，承諾幫在台香港人避難，但之後移民門檻竟然收緊，有啲食人血饅頭，民進黨對外嘅聲稱亦混淆視聽，就算以國安理由拒絕港人亦係牽強而且大細超，因為民進黨政府如果真係重視國家安全，就唔應該批准大量陸配來台；台灣人任政協委員，亦唔應該只係罰款50萬台幣，更加唔會無視統促黨喺台灣高舉五星旗[15]。
台灣政黨
[編輯]民進黨以外嘅四個在野黨（包括國民黨，民眾黨，時代力量同埋台灣基進），亦一定程度共識，認為民進黨無履行對香港人承諾，或者認為民進黨應該對支持香港人做得更多。
- 國民黨副主席連勝文喺2024年9月批評，民進黨當初為咗選舉，表示歡迎香港年輕人到台灣，但之後對佢哋不聞不問。連勝文提醒香港年輕人，要睇清楚政客嘅嘴臉[16]。
- 台灣基進成員康駿銘喺2024年1月表示，如果一味怪責民進黨，未必係太公平，但佢絕對有啲責任。民進黨當初為香港議題發聲，唔少港人期望民進黨可以做多啲。但喺台灣憲法框架下，港人無法以難民身份去尋求政治庇護，台灣政府只能夠用專案方式去處理。台灣政府部門之間配合唔夠，移民政策又不斷改變，佢表示，希望政府可以搵多啲香港人嚟做協調角色，促進溝通[17]。
- 民眾黨立委林憶君喺2024年7月批評，話台灣到而家仲係無一個完整嘅法令，為香港政治難民提供法源依據，基本上都係用專案處理，逐件逐件咁審查。所以要求陸委會完善同香港有關嘅法規，減少行政裁量嘅空間，令成件事有更明確嘅規範。立委黨團總召黃國昌亦都話說，民眾黨反對中共把手伸到香港去打壓人權，但民進黨政府撐香港唔應該淪為政治操作，口惠而不實[18]。
- 時代力量自香港反送中運動以來多次成功香港人並要求有一啲實質措施支持[19][20]。喺2022年5月，陸委會原定放寬從事專業工作港人在台申請定居門檻，但之後突然暫緩。時代力量批評有關做法，話就算要防止滲透，都唔應該將恐懼無限放大，質疑當初話支持香港但實則淪為口號[21]。
參考
[編輯]- ↑ 〈港法官與伊朗、俄羅斯齊名 料成首個普通法司法管轄區法官被制裁〉。Radio Free Asia (香港中文)。喺2023-11-05搵到。
- ↑ 〈LIHKG 台灣衛福部政務次長：香港在國際上已沒有人關注〉。《LIHKG 討論區》。喺2023-11-05搵到。
- ↑ 《G7會議關於香港用字並唔尋常 其實西方用香港做同中國交涉嘅切入點出師有名 連天主教美軍教區主教就黎英案出聲 中國一意孤行必有後果 黃世澤幾分鐘評論 20231110》，喺2023-11-10搵到
- ↑ 〈這位烏克蘭軍人謝謝台灣是對的，謝謝香港很奇怪。在香港，上街抗議俄國侵略烏克蘭可是會被抓走的〉。www.facebook.com (英文)。喺2022-04-09搵到。
{{cite web}}: CS1 maint: url-status (link) - ↑ 〈目前邊境防疫政策，要入境需持有三天內PCR陰性報告〉。
{{cite web}}: CS1 maint: url-status (link) - ↑ 〈王喜確診新冠肺炎 咳嗽喉嚨痛病徵輕微 (12:04) - 20220330 - SHOWBIZ〉。《明報OL網》 (繁體中文)。喺2022-05-17搵到。
- ↑ 〈【認知作戰】中國提供資金給台灣「網紅」 陳明通證實進行處理〉。Radio Free Asia (香港中文)。喺2022-05-17搵到。
- ↑ 〈親子齊心反洗腦9萬人上街〉。《蘋果日報》。2012-07-30。
- ↑ 〈70多名學民思潮成員政總外紮營請願〉。《香港電台》。2012-08-30。
- ↑ 〈擱指引 國教科名存實亡 梁：不會撤科 大聯盟收貨：等同撤科〉。《明報》。2012-10-09。
- ↑ 〈民進黨立委林靜儀，再次發佈不實信息抹黑香港人，竟然說香港2012年開始在中學推動國民教育，香港學生已被洗腦，質疑當局近日放寬「香港澳門居民來台就學辦法」，開放不具有居留資格的港澳居民來台就讀高中，憂心引發國安問題〉。Facebook (英文)。喺2022-05-17搵到。
{{cite web}}: CS1 maint: url-status (link) - ↑ 〈香港前途關注組譴責 民主進步黨 立委 林靜儀醫師 溫柔堅定新中二 錯誤言論，並要求林靜儀向香港人道歉〉。www.facebook.com (英文)。喺2022-06-18搵到。
{{cite web}}: CS1 maint: url-status (link) - ↑ 〈1、沈旭輝、桑普等人從來沒有支持香港年輕一代十幾年來的「本土、民主、反共」運動，卻在台灣備受禮遇，曾經支持蔡英文連任總統，如今滞留台灣兩年多的手足卻很大機會成為人球。港澳關係條例18條本來就形同具文，民進黨當局最近更不斷製造輿論準備廢法，桑普及其所謂「台灣香港協會」曾以援助流亡台灣港人為由公開眾籌，如今竟然支持民進黨「排港」政策，當然必須口誅筆伐！〉。Facebook (英文)。喺2022-06-25搵到。
{{cite web}}: CS1 maint: url-status (link) - ↑ 〈林靜儀反對放寬港澳居留 吳介民斥：當初包場《時代革命》只是蹭聲量 | 政治〉。《Newtalk新聞》 (中文)。2022-04-30。喺2022-06-21搵到。
- ↑ Stone, 《追新聞》台灣特約記者弗斯及Adam (2024-01-12)。〈台灣大選・在台港人系列｜反送中黃絲批蔡英文內政零改善反中非唯一考慮 藍營支持者轟民進黨將對手一律抹紅〉。《追新聞》 (臺灣中文)。喺2024-09-21搵到。
- ↑ 〈連勝文：民進黨對在台港人不聞不問 冀年輕人理解政客嘴臉〉。Yahoo News (中文)。2024-09-10。喺2024-09-21搵到。
- ↑ Stone, 《追新聞》台灣特約記者弗斯及Adam (2024-01-10)。〈台灣大選・在台港人系列｜港青獲基進黨提名參選立委 康駿銘盼雙贏：香港人嘅力量仲喺度〉。《追新聞》 (臺灣中文)。喺2024-09-21搵到。
- ↑ 中央通訊社 (2024-05-03)。〈民眾黨團：撐香港不打假球 陸委會應明定認定標準 | 政治〉。《中央社 CNA》 (中文)。喺2024-09-21搵到。
- ↑ 〈再提「今日香港明日台灣」 時代力量籲速審援港條款〉。Yahoo News (中文)。2021-01-08。喺2024-09-21搵到。
- ↑ 〈時代力量撐香港 籲政府立難民法 - 台灣醒報 Awakening News Networks〉。anntw.com (英文)。2019-09-05。喺2024-09-21搵到。
- ↑ 〈中共滲透要嚴防 但絕對不該將恐懼無限放大〉。www.facebook.com。喺2024-09-21搵到。
{{cite web}}: CS1 maint: url-status (link)