民進黨－時代力量關係
時代力量喺2015年初創黨嘅時候，同民進黨有一定程度合作，外界唔少人將時代力量視為泛綠入面嘅「小綠」[1][2]，但兩黨之後喺唔同嘅議題（例如《勞動基凖法》[3]、就香港反送中運動支援香港人）日漸出現分岐，加上時代力量內部唔同成員意見都有差異，有一啲聲音認為時代力量已經唔再係民進黨為首嘅泛綠陣營成員，但民進黨同時代力量喺台灣應對中共威脅(例如：解散中華統一促進黨嘅議題)同一啲外交問題上，仍然有接近立場。
合作起源
[編輯]時代力量喺2015年1月創黨，當時台灣輿論同社會氣氛對執政嘅國民黨馬英九政府普遍不滿，民進黨雖然形勢看好，但係仍然有一啲選區可能無法同國民黨抗衡，出於政治考慮，民進黨就對時代力量「禮讓」、甚至加以援助。最終，時代力量喺2016年嘅立委選舉攞到5個議席[3]。
部分有意見分岐嘅議題
[編輯]勞工議題
[編輯]時代力量嘅政綱強調勞工權益，亦比民進黨偏向進步主義，但去到2018年《勞動基凖法》修法嘅時候，各個工會對草案表達強烈不滿[4]，時代力量亦認為執政民進黨推動嘅修法係「修惡」，企喺資方嘅角度，傷害勞工權益。喺立法院被民進黨、國民黨立委「聯手攻破」後，時代力量5名立委轉移至總統府禁制區內靜坐抗議。呢次修法，可以被視為民進黨同時代力量分道揚鑣嘅導火線[3]。
居住正義問題
[編輯]2022年底，時代力量曾經提出《平均地權法案》同埋《租賃住宅市場發展及管理條例》，又曾經提議開徵「空屋稅」[5]，但提案被民進黨黨團阻擋，之後時代力量立委邱顯智就批評，民進黨係因應建商嘅聲音，而在意限制建商囤房條款，亦唔肯採取稅務改革，反而一直採取補貼政策，無法解決問題[6]。
中華統一促進黨解散問題
[編輯]激進親北京派政黨中華統一促進黨因為對香港親民主派人士、台灣綠營人士作出恐嚇，同埋主要成員具有黑社會背景嘅問題，受到香港同台灣人嘅關注。因此，喺香港嘅香港前途關注組喺2017年8月18號提出，當時佢哋向台灣嘅關注香港民主連線18名立法委員（皆為時代力量同民進黨立委）發表公開信提出多點要求，包括將中華愛國同心會同埋中華統一促進黨宣告為非法組織，並將所有相關人士逮捕[7][8]。去到2020年，時代力量就提出預算提案，要求內政部將統促黨移交司法院憲法法庭進行解散程序[9]。不過，不論是香港前途關注組或是時代力量的建議，當時民進黨政府都未有正面回應。時代力量黨團的提案，甚至遭到當時執政民進黨以64票反對、僅7票贊成而遭否決[9]。而執政民進黨對統促黨一度嘅不作為，亦引起一啲在台香港人嘅不滿，認為民進黨對佢哋申請定居台灣就咁嚴謹，甚至訴諸非常牽強嘅國安理由，另一方面就對統促黨咁寬容[10]。去到2024年，內政部先正式聲請解散統促黨[11]。
香港反送中運動支援香港人
[編輯]2019年，香港爆發反送中運動。之前，民進黨喺2018年年底地方選舉大敗，有意競選連任嘅總統蔡英文亦民調低迷，有可能連任失敗[12]，但之後佢多次公開聲援香港民主運動嘅示威者，結果佢獲得香港人一啲支持，最後成功連任。隨著2020年北京未經諮詢或香港人同意，強行訂立《港版國安法》，有唔少香港人選擇移民，有啲人選擇咗台灣作為目的地，但就面對內政部移民署嘅留難，甚至試過連80歲老人申請移台都要寫生活規劃。另外，民進黨亦有人(例如：立委林靜儀)唔止一次以假新聞攻擊香港人，用以叫停一啲支持香港人逃離嘅措施。有部份在台港人甚至選擇二次移民，改去英國、加拿大等地[13][14]。
時代力量喺反送中運動初期，同民進黨立場相若[15]，亦有同民進黨就議題合作[16]，但對於民進黨政府未有履行對香港人嘅承諾，時代力量亦加以批評，指民進黨對香港人做得未夠多，又話就算要考慮國安問題，都唔應該將恐懼無限放大[17][18]。
現況
[編輯]時代力量喺一啲應對中共威脅同一啲外交問題上，仍然會公開認可民進黨嘅大方向，但有時亦會批評民進黨做得唔足夠。喺2025年大罷免上面，時代力量同民進黨有相約立場，但手法上亦有差異，同民進黨亦有衝突。大罷免失敗後，時代力量王婉諭亦公開呼籲立法院民進黨黨團總召柯建銘就自己令民進黨黨團變成一言堂嘅問題下台[19]，但另一方面亦慨嘆「民進黨不好，台灣也會倒」，如果民進黨表現唔好、失去人民信任，本土派將會失去唯一有執政能力嘅政黨，咁樣唔止係民進黨嘅危機，更會係台灣嘅危機[20]。
另外，喺內政問題上，時代力量繼續作為在野黨監察民進黨，亦會對國民黨、民眾黨一啲爭議加以批評。另外，時代力量有時亦會批評台灣基進，指佢哋無法堅持價值，毫無政黨主體性[21][22]。不過，隨著時代力量同台灣基進喺2024年大選都未能取得議席，加上國民黨同民眾黨結盟，時代力量轉向等台灣基進合作。
睇埋
[編輯]參考
[編輯]- ↑ 搖擺選民決定2020大選勝敗 互聯網檔案館嘅歸檔，歸檔日期2021年8月26號，.，張家豪，新新聞，2019-10-09，「泛綠（民進黨、時代力量、綠黨社會民主黨聯盟、台聯等）」
- ↑ 拚整合找刺客 民進黨力保國會優勢，葉素萍，中央社，2018-08-04，「已在夾縫中求生存的綠黨、社民黨、台聯、基進黨、時代力量等泛綠陣營小黨各自備戰。」
- 1 2 3 〈觀點：台灣"大綠"和"小綠"兩政黨真分手了？〉。《BBC News 中文》 (繁體中文)。喺2023-10-08搵到。
- ↑ 〈台灣來鴻：修法引發勞工怒火猛燒民進黨政府〉。《BBC News 中文》 (繁體中文)。喺2023-10-08搵到。
- ↑ 〈時代力量民調：77%支持開徵「空屋稅」 四成主張2戶以上就課〉。Yahoo News (中文)。2023-06-06。喺2023-06-08搵到。
- ↑ 自由時報電子報 (2023-01-03)。〈狂補貼反「助漲房價」 時力批蔡總統搞錯「居住正義」重點 - 政治 - 自由時報電子報〉。news.ltn.com.tw (中文)。喺2023-10-05搵到。
- ↑ 徐亦超。〈"港独"致信台"立法院"提疯狂要求:禁止香港爱国人士来台,把岛内统派抓起来!〉。m.huanqiu.com。原先內容歸檔喺2019-02-20。喺2017-09-03搵到。
{{cite web}}: Cite has empty unknown parameter:|dead-url=(help) - ↑ 〈香港前途關注組 Hong Kong Future Concern Group〉。www.facebook.com (簡體中文)。原著喺2019-02-20歸檔。喺2017-09-03搵到。
- 1 2 〈內政部聲請解散統促黨 時力強烈支持「早就該」：涉犯罪人數達134人 | ETtoday政治新聞 | ETtoday新聞雲〉。www.ettoday.net (繁體中文)。2024-11-09。喺2024-11-16搵到。
{{cite web}}: CS1 maint: url-status (link) - ↑ Stone, 《追新聞》台灣特約記者弗斯及Adam (2024-01-12)。〈台灣大選・在台港人系列｜反送中黃絲批蔡英文內政零改善反中非唯一考慮 藍營支持者轟民進黨將對手一律抹紅〉。《追新聞》 (臺灣中文)。喺2024-11-16搵到。
- ↑ https://www.facebook.com/ETtoday (2024-11-09)。〈內政部聲請解散統促黨 時力強烈支持「早就該」：涉犯罪人數達134人 | ETtoday政治新聞 | ETtoday新聞雲〉。www.ettoday.net (繁體中文)。喺2024-11-16搵到。
{{cite web}}:|last=has generic name (help); External link in|last= - ↑ TVBS 民意調查中心。〈蔡英文總統就職三年滿意度民調〉 (PDF)。
{{cite web}}: CS1 maint: url-status (link) - ↑ 聯合新聞網。〈處處碰壁 大批在台港人二次移民〉。《聯合新聞網》 (中文)。喺2023-10-08搵到。
- ↑ 〈【團圓難（上）】依親移台難 港8旬老人被「加監」要寫生活規劃〉。Radio Free Asia (香港中文)。喺2023-10-08搵到。
- ↑ 自由時報電子報 (2020-12-31)。〈揮毫「『力』挺香港」 陳椒華願續任時力黨主席 - 政治 - 自由時報電子報〉。news.ltn.com.tw (中文)。喺2023-10-08搵到。
- ↑ 〈時代力量立委發起"台灣國會關注香港民主聯機"今天成立〉。《RFI - 法國國際廣播電台》 (繁體中文)。2017-06-12。喺2023-10-08搵到。
- ↑ 時代力量 Facebook。〈撐香港，需要我們做更多〉。
{{cite web}}:|last=has generic name (help)CS1 maint: url-status (link) - ↑ 時代力量 Facebook。〈中共滲透要嚴防 但絕對不該將恐懼無限放大〉。
{{cite web}}:|last=has generic name (help)CS1 maint: url-status (link) - ↑ 〈籲柯建銘下台一鞠躬 王婉諭：你的下台，是民進黨反省的開始 - 時代力量〉 (臺灣中文)。2025-08-26。喺2025-11-13搵到。
- ↑ 〈726缺檢討 王婉諭嘆民進黨不好台灣也會倒〉。Yahoo News (中文)。2025-08-03。喺2025-11-13搵到。
- ↑ 〈時力：我們不會為監督執政而道歉 請勿稱基進為時力 2.0 因為他們不配〉。www.newpowerparty.tw。喺2023-10-08搵到。
{{cite web}}: CS1 maint: url-status (link) - ↑ 〈時力被指是偶像團體 邱顯智批基進：護航民進黨的「附隨組織」 | 政治〉。《Newtalk新聞》 (中文)。2023-01-17。喺2023-10-08搵到。
| 黨主席選舉 |  | |
|---|---|---|
| 黨際關係 | ||
| 相關傳聞 | ||