黃琛喻

黃琛喻（Kacee Wong，1988年—），筆名心魚，係香港一位本土作家，2016年參選立法會選舉新界東直選。

簡歷

黃琛喻喺香港中文大學新聞與傳播學院畢業，之後加入無線電視做節目助理，工作包括做過《潛行狙擊》嘅助理編導。跟住佢劈炮去澳洲工作假期，重喺當地修讀會計碩士課程。2016年，佢寫嘅香港時事書《本是老土》喺香港發行。

2016年，黃琛喻參選立法會選舉新界東直選，立場自稱係撐本土理念，重話撐法理港獨，與此同時，佢亦反對梁振英連任特首，並以「港獨之父」嚟貶稱梁振英。參選期間，佢都着住紅白藍膠袋條紋嘅裇衫，以示撐本土文化。雖然隨住出席唔同嘅選舉論壇開始畀唔少人留意到佢，不過因為佢知名度始終唔及政治明星，民意調查亦顯示佢嘅支持度一路都遠遠落後，最終喺投票日之前一日宣佈停止拉票活動。