黃花夾竹桃
 | ||||||||||||||
|---|---|---|---|---|---|---|---|---|---|---|---|---|---|---|
_leaves_%26_flowers_in_Kolkata_W_IMG_8007.jpg) 黃花夾竹桃嘅花
| ||||||||||||||
| 物種分類 | ||||||||||||||
| ||||||||||||||
| Thevetia peruviana |
黃花夾竹桃（粵拼：wong4 faa1 gaap3 zuk1 tou4；學名：Thevetia peruviana）；第個名係黃酒杯花（wong4 zau2 bui1 faa1）或黃花狀元竹（wong4 faa1 zong6 jyun4 zuk1）；佢係夾竹桃科黃花夾竹桃屬嘅一樖常綠喬木或灌木仔。原產地喺南美洲嘅熱帶地區，中美洲同印度，而家喺全世界嘅熱帶同亞熱帶地區都可以搵到佢。
形態
[編輯]呢樖嘢有5m高到，佢嘅樹枝都好多，而且都好軟熟。尤其係細枝，佢係向下㕪落嚟嘅。成樖嘢都有好多樹液響度。而樹葉方面，佢係長條互生嘅品種。而花係黃色重帶有香味。佢對抗空氣污染嗰方面都好犀利吓。佢嘅樹皮係咖啡色，而且有好明顯嘅皮窿響度，成樖嘢冇毛。而花期方面，一般喺每年6——12月開花。佢一般喺每年11月到第年2月結果。
毒性
[編輯]成樖嘢都有毒。如估人類唔小心食咗佢搞到中毒嗰陣，佢識搞到口腔同胃部黏膜出現局部刺激而引發嘔、肚疴、持續性頭痛、腹痛。雖然話中醫入面講佢有藥用價值，但係長期用佢嘅話都會搞到中毒[1]。而樹液同佢啲核都可以搞到家禽同寵物出現劇烈性中毒。
藥用價值
[編輯] | 維基百科嘅醫學類文章只係提供參考，並唔係醫療意見。 閣下如果有任何關於健康嘅問題，請諮詢專業醫護人員。 |
黃花夾竹桃嘅果同葉都可以入藥，佢有以下呢啲功效：
| 部位 | 功效 |
|---|---|
| 果 | 邊種心臟病搞出嘅心力衰竭 間歇性室上性心動過速 陣發性心房纖顫 |
| 葉 | 蛇頭疔 |
但係長期服用嘅話好容易搞到中毒。
攷
[編輯]出面網頁
[編輯]- 黃花夾竹桃
- 黃花夾竹桃, Huanghuajiazhutao 藥用植物圖像數據庫 (香港浸會大學中醫藥學院) （繁體中文）（英文）