龍與雀斑公主
| 龍與雀斑公主 | |
|---|---|
 | |
| 資料明細 | |
| 導演 | 細田守 |
| 監製 | 細田守 |
| 編劇 | Mamoru Hosoda[*] |
| 故仔 | 細田守 |
| 主演 | 中村佳穗 佐藤健 成田凌 染谷將太 玉城蒂娜 幾田莉拉 森川智之 津田健次郎 小山茉美 宮野真守 森山良子 清水美智子 坂本冬美 岩崎良美 中尾幸世 役所廣司 |
| 配樂作曲 | Ludvig Forssell 坂東祐大 主題曲 millennium parade & Belle 〈U〉 |
| 攝影 | 李周美 上遠野學 町田哲 |
| 製片商 | 地圖工作室 |
| 產地 | 日本 |
| 話 | 日文 |
| 上畫同發行 | |
| 上畫日期 | 2021年7月15號（第74屆康城影展） 日本2021年7月16號 中華民國2021年10月8號 香港2021年10月28號 |
| 發行商 | 日本東寶 中華民國車庫娛樂 香港新映影片 |
《龍與雀斑公主》（日文：竜とそばかすの姫，英文：Belle）係一部於2021年上映嘅日本電影動畫，由細田守編劇同執導、由地圖工作室制作。
呢套電影係細田守自《未來的未來》之後自己親自執導嘅第6部原創動畫作品。
發行
[編輯]2020年12月15號，響東寶舉行嘅作品發佈會上公佈相關消息。
2021年7月15號，《龍與雀斑公主》響第74屆康城影展首映。
目前預定響2021年10月28號響香港上映。
簡介
[編輯]主角小鈴係一個嚟自高知縣田舎町嘅17歲女高中生，自細中意唱歌嘅佢，因為阿媽嘅死而封閉自己，變得唔再唱歌，同老豆嘅關係亦因而變差。直此有一日，佢響老友小弘（別役弘香）嘅介紹下，加入有成50億人嘅虛擬世界「U」，以女歌手「Belle」呢個身份出道。由於佢可以響「U」自由唱歌，因此佢係咁發表自己作嘅歌，好快就得到巨大人氣。
但響開音樂會當日，一條神秘、巨大嘅黑龍突然之間響Belle面前現身，仲搞亂咗音樂會。
呢場音樂會舉行失敗惹起自警團「正義」團長賈斯丁嘅反感，發起「搵到龍嘅真面目」行動。
角色
[編輯]主要角色
[編輯]內藤鈴／小鈴／Belle（内藤 鈴（ないとう すず）／すず／ベル ，配音：中村佳穗）
- 本片主角，目前係高中生。特點係臉上有雀斑。本身好中意唱歌，響阿媽死後封閉自己，變得好少唱歌。後嚟響虛擬世界「U」以「Belle」呢個身份獲得巨大人氣。
龍（竜，配音：佐藤健）
- 來歷好神秘，目前淨係知道佢本名叫「惠」。以黑龍嘅形象響虛擬世界「U」出現，背部有勁多青斑。
久武忍／阿忍（久武 忍（ひさたけ しのぶ）／しのぶくん，配音：成田凌）
- 鈴細個嘅好朋友，依家係籃球社成員，受到大把女仔熱烈歡迎。身上成日有一種神秘氣氛。
千頭慎次郎／頭慎（千頭 慎次郎（ちかみ しんじろう）／カミシン，配音：染谷將太）
- 鈴嘅同級同學，性格天真、熱血、開朗，自己一個人創立划艇社，話要參加高中全國大賽。
渡邊瑠果／瑠果（渡辺 瑠果（わたなべ るか）／ルカちゃん，配音：玉城蒂娜）
- 鈴嘅同級同學，響管樂社吹奏入面負責色士風。成個模特兒咁嘅樣，係個受到大家歡迎嘅「閃耀女孩」，陽光一樣嘅存在。
別役弘香／小弘（別役 弘香（べつやく ひろか）／ヒロちゃん，配音：幾田莉拉）
- 鈴嘅知心老友，係一個熟悉網絡世界嘅毒舌女仔。佢邀請鈴加入虛擬世界「U」，係唯一一個知道鈴就係「Belle」嘅人。
合唱團
[編輯]呢個合唱團係小鈴阿媽生前所在嘅合唱團，響佢死後，其他五位成員一直有份照顧小鈴。
吉谷（吉谷（よしたに）さん，配音：森山良子）
- 合唱團現任隊長，職業係漁民。
喜多（喜多（きた）さん，配音：清水美智子）
- 酒店老闆。
奧本（奥本（おくもと）さん，配音：坂本冬美）
- 自耕農民。
中井（中井（なかい）さん，配音：岩崎良美）
- 醫生。
畑中（畑中（はたなか）さん，配音：中尾幸世）
- 大學講師。曾經去過美國俄亥俄州留學。
「U」
[編輯]賈斯丁（ジャスティン，配音：森川智之）
- 認為龍嘅存在嚴重影響到「U」，試圖揭發龍嘅真面目。自警團「正義」團長，將揭發龍嘅真面目睇成自己嘅使命。
Peggy（ペギースー，配音：ermhoi）
- 虛擬世界「U」入面另一位人氣女歌手，性格自大、脾氣暴燥，認為Belle嘅出現嚴重影響佢嘅人氣，因而妒忌佢。
耶利內克（イェリネク，配音：津田健次郎）
- 現代美術藝術家，響「搵到龍嘅真面目」行動入面畀人視為候補人選。
蘇汶（スワン，配音：小山茉美）
- 住響豪宅嘅貴婦，同耶利內克一樣響「搵到龍嘅真面目」行動入面畀人視為嫌疑人。
剝皮太郎＆堅忍丸（ひとかわむい太郎＆ぐっとこらえ丸，配音：宮野真守）
- 響「搵到龍嘅真面目」行動入面負責炒作嘅YouTuber。
其他人物
[編輯]小鈴之父（すずの父親，配音：役所廣司）
- 小鈴個老豆，自太太死後同囡囡之間嘅交情變得疏落。
小鈴之母（すずの母，配音：島本順美）
- 小鈴個阿媽，生前係合唱團成員。自一次幫助困響畀洪水淹沒嘅細路後，就再冇現身，推斷已經死咗。
惠、知之父（恵・知の父，配音：石黒賢
- 單親父親，依家獨自養大惠、知兩個仔。