1997–98年歐洲聯賽冠軍盃係第6屆歐洲聯賽冠軍盃，亦係歐洲足協主辦嘅第43屆頂級球會賽事。
由呢屆賽事開始，所有歐洲聯賽（唔計列支敦士登同埋阿爾巴尼亞）嘅冠軍都有得參加，另外亦開放畀歐洲足協系數排頭8位嘅聯賽亞軍參加，加埋衞冕冠軍（上屆嘅德甲季軍）多蒙特，總數由24隊增至55隊，因此外圍賽亦增加至兩輪。分組賽隊伍由16隊加到24隊，分6組打雙循環，每組首名同埋兩隊最好成績嘅次名晉身八強。八強同埋四強維持兩回合淘汰賽。
決賽喺荷蘭阿姆斯特丹踢，最後西班牙嘅皇家馬德里捧盃。
