2011年吉祥航空拒絕避讓事件

2011年吉祥航空拒絕避讓事件
係一個	aviation incident
發生喺	中華人民共和國
座標	31°11′57″N 121°20′10″E
日期	2011年8月13號
2011年吉祥航空拒絕避讓事件嘅位置
[改維基數據]

同肇事客機同型號嘅吉祥航空空中客車A320客機

2011年吉祥航空拒絕避讓事件係人類民航史上第一單聽到Mayday都唔避讓嘅事故。

事件經過

根據中國民航總局嘅調查報告，2011年8月13號，上海浦東國際機場因為雷雨覆蓋，造成上海入場管制區裏面有成20架飛機兜圈等降落。卡塔爾航空多哈飛浦東嘅QR888航班報告剩返無幾多油，要求轉飛上海虹橋國際機場，同時申請優先降落。控制中心即刻啟動咗優先降落程序畀QR888優先降落。QR888航班跟著報告：飛機剩返5分鐘續航能力，控制中心即刻要求空域裏面所有其他航班避讓。已經瞄準咗跑道嘅中國南方航空CZ3525航班即刻避開咗，但係重瞄準緊跑道嘅吉祥航空HO1112航班話自己都唔夠油，拒絕避讓。之後，QR888航班發出咗Mayday求救訊號，話嚴重唔夠油，要求優先降落。控制中心啟動緊急狀態優先降落程序，再次要求HO1112航班避讓，但係HO1112航班就話自己得返4分鐘續航能力，依然拒絕避讓。喺今次事件裏面，控制中心喺7分鐘之內6次要求HO1112航班避讓，但係HO1112航班硬係唔肯避讓。控制中心不得不叫QR888航班急轉360度，避開HO1112，最後安全着陸，無人傷亡。

民航總局後來調查過，吉祥航空HO1112航班（空中巴士A320）著陸之後，重有2900公斤油，即係話重有42分鐘嘅續航能力，之前機組講嘅「得返4分鐘續航能力」完全係講大話；QR888航班（波音777-300ER）着陸之後重剩返5200公斤油，即係話重有18分鐘續航能力，民航總局認為卡塔爾航空嘅機組無故意違反任何規則，頂多祇係計錯數。

事後

由於今次事件係人類民航史上第一單聽到Mayday都唔避讓嘅事故，性質好嚴重，所以引起廣泛關注。

8月30號，民航總局宣佈：暫停吉祥航空擴展權，削減機隊3個月，同時唔准再招外籍飛行員；當時開HO1112航班嘅韓國籍機長馬上吊證，終身禁飛，副機長停飛6個月。