2020年中國國民黨總統提名選舉
2020年中國國民黨總統提名選舉，係中國國民黨所舉辦嘅第二次總統候選人初選。國民黨中央黨部成立咗中央五人提名協調小組，由提名小組依選情評估，向黨主席吳敦義之前會談嘅韓國瑜、郭台銘、朱立倫、周錫瑋、張亞中等五位參選人進行最後徵詢、說明，喺6月10號公佈並確定參加初選嘅名單，但喺名單公佈前，參加初選者需繳交500萬元嘅選務作業費[1]。
民調執行時間為2019年（民國108年）7月8號至14號，每晚6點半至9點半，並喺7月15號公布結果，7月17號提報國民黨中常會、7月28號喺中國國民黨全國代表大會通過。最終結果由韓國瑜勝出，代表中國國民黨參選2020年第15任中華民國總統[2]。
2019年11月11號，韓國瑜宣布由前行政院院長張善政出任副手，國政配正式成軍[3]。
參考
[編輯]- ↑ 王承中 (2019-06-04)。〈500萬元初選作業費 國民黨：最晚10日前交〉。《中央社》。原著喺2020-06-03歸檔。喺2020-06-03搵到。
- ↑ 邱珮畇 (2019-07-15)。〈壓倒性勝出！國民黨總統初選 韓國瑜總支持度44.805％〉。《中時電子報》。原著喺2019-07-15歸檔。喺2020-04-28搵到。
- ↑ 劉宛琳 (2019-11-11)。〈當韓國瑜副手 張善政：帶領國家回歸「善良政治」本質〉。《聯合報》。原著喺2019-11-12歸檔。喺2020-04-28搵到。
