2021年香港人口普查

2021年香港人口普查

基本資訊
負責部門	香港特別行政區 政府統計處
普查日期	2021年6月23號至8月4號

2021年香港人口普查喺2021年6月23號至8月4號期間進行，為期43日，由香港特別行政區政府統計處負責。目的係搜集香港人口嘅社會同經濟特徵，同埋詳細地區分布嘅最新基準資料，呢啲資料有助規劃全香港社區嘅社會服務同設施。今次人口普查係由行政長官會同行政會議根據《普查及統計條例》（第316章）第9條制定嘅《普查及統計（2021年人口普查）令》而進行，有關命令已經喺2020年10月16號刊登憲報，為進行人口普查提供法律基礎。

2021年人口普查將對全香港大約九成嘅住戶進行簡單嘅點算，以搜集基本資料（例如出生年份、月份、性別等），並通過詳細訪問向其餘約一成嘅住戶搜集多方面人口同社會經濟特徵嘅資料。因此，人口普查將採用兩款問卷：「短問卷」同「長問卷」。

用嚟簡單點算嘅「短問卷」只涵蓋一啲基本問題。用嚟詳細抽樣訪問嚟「長問卷」除咗「短問卷」嘅問題外，亦包括有關人口嘅社會經濟特徵資料，以及住戶同屋宇單位特徵資料嘅詳細問題。結合「短問卷」同「長問卷」收集所得嘅共通資料，可以得出人口基本特徵資料嘅全面點算結果，亦會用嚟估算「長問卷」搜集所得嘅社會經濟特徵詳細資料嘅基礎。

宣傳口號

2021年人口普查採用兩個宣傳口號以推廣佢嘅重要性同鼓勵住戶使用網上問卷：

普查數據助香港 規劃發展前途創

人口普查網上做 方便保密又環保

吉祥物

2021年人口普查會透過兩個吉祥物「阿普（Paul）」同「阿查（Charlotte）」，以生動活潑嘅對話形式，將一系列人口普查數據以生活化嘅方式呈現，令市民更加容易理解呢啲數據嘅用途。佢哋嘅造型取材自對話方塊，再加入統計數據嘅設計元素。

阿普（Paul）:

阿查（Charlotte）:

數據項目

人口同社會特徵 出生年份同月份* 性別* 婚姻狀況 慣用交談語言 使用其他語言／方言嘅能力 閱讀／書寫語言嘅能力 國籍 種族* 出生地點 * 需要照顧嘅長者	教育特徵 就學情況 教育程度（最高就讀程度） 教育程度（最高完成程度） 修讀科目 上課地點 前往上課地點嘅交通方式	內部遷移特徵 普查時刻身在嘅地方* 喺香港居住年期 5年前居住嘅地方
經濟特徵 經濟活動身分 行業 職業 是否有兼職 主要職業收入 兼職收入 其他現金收入 工作時數 工作地點 前往工作地點嘅交通方式	房屋特徵 屋宇單位類型* 居所類型 屋宇單位係通常定係間中有人居住* 屋宇單位係唔係分間樓宇單位* 居所內廳房數目 居所樓面面積* 單位住戶數目*（以引伸得出） 單位居住人數*（以引伸得出） 居所租住權 租金 按揭供款或借貸還款	住戶特徵 住戶類型 同戶主關係 係唔係住戶成員* 住戶人數*（以引伸得出） 住戶結構（以引伸得出） 住戶收入（以引伸得出）

備註 以上有 * 嘅係短問卷涵蓋嘅項目，長問卷涵蓋以上所有項目（共46項）。

數據搜集方法

2021年人口普查將採用多模式嘅數據搜集方法，並分為兩個階段進行：

第一階段：由6月23號開始

全香港住戶將於2021年6月尾之前收到人口普查通知信，可以選擇用以下方法提供資料：

1. 填交網上問卷
2. 進行電話訪問（普查熱線：18 2021）
3. 寄回已填妥嘅問卷（只適用於收到紙本問卷嘅住戶）

第二階段：由7月18號開始

如果住戶未有遞交問卷，會到安排統計員到訪未遞交資料嘅住戶，並以平板電腦收集所需資料。

因應武漢肺炎香港疫情關係，為咗減少面對面接觸同保持社交距離，政府統計處建議大家盡量使用網上問卷、紙本問卷或電話訪問提供資料。

測試性統計調查

政府統計處喺2020年6月23號至8月4號期間進行「2021年人口普查嘅測試性統計調查」，以測試「2021年人口普查」嘅問卷設計同運作安排。呢次測試性統計調查涵蓋四個選定區議會分區：灣仔區、深水埗區、葵青區、沙田區，區內大概四萬個屋宇單位。獲選屋宇單位內所有嘅住戶同人士都會被點算。

保密

政府統計處唔會向未獲授權人士（包括其他政府部門）透露受訪者嘅個人資料。根據《普查及統計條例》規定，向未獲授權人士透露個人或住戶資料，即屬違法。所有臨時外勤工作人員都需要宣誓，並接受有關強調資料保密嘅重性要，以及資料處理不當可能導致嘅法律後果嘅培訓。收集所得嘅所有資料（包括住戶經互聯網提供嘅資料同統計員以平板電腦收集所得嘅資料）會以加密方式傳送，並只會喺政府統計處指定範圍儲存同處理。暫存喺平板電腦嘅數據會加密，喺上載完成之後就會移除。此外，所有已經填寫嘅問卷（包括紙本問卷同電子表格）會喺統計調查結束之後嘅12個月內銷毀。

出面網頁

• 2021年香港人口普查嘅官方網站
• YouTube上面嘅2021年香港人口普查嘅頻道