AMD Fusion

出自維基百科,自由嘅百科全書

AMD FusionAMDATi合併後推出嘅一項新產品嘅產品代號,2006年公佈,2009年開始出,係K10微架構嘅後繼者。佢亦係Torrenza統一加速計算平台嘅一部分,配合FireStream流處理器進行協同運算。

佢結合咗現時嘅處理器同繪圖核心,喺處理器進行圖像同三維(3D)運算。AMD Fusion嘅矽晶片上有兩個獨立嘅核心,一個負責處理器,另一個負責繪圖核心,但兩個核心唔係融合埋一齊。處理器有自己獨立嘅緩衝記憶體,繪圖核心部分都係咁。兩個核心會透過CrossBar互相連接。此外,Fusion亦會集成記憶體控制器。Fusion中各個元件之間用HyperTransport連接,令各個元件連接,成為一個整體。處理器同繪圖核心可以直接訪問記憶體,但繪圖核心冇獨立嘅顯示記憶體。南橋唔會集成喺Fusion晶片中。

呢個技術亦令到筆記本電腦更慳電。例如一部配Fusion處理器同獨立顯示卡嘅筆記本電腦,當流動使用時,獨立顯示卡會被關閉,淨係用Fusion處理器內嘅顯示核心,以節省電量。當接駁咗外置電源,獨立顯示卡會被打開,提供更強大嘅顯示性能。

縱使處理器同繪圖核心二合為一,但ATi會繼續設計獨立顯示卡,因為高端用戶同物理計算仍然依賴獨立顯示卡嘅強大運算性能。

媒體談論[編輯]

參考[編輯]


出面網頁[編輯]